112 jastaǵy Israel Krıstal ǵalamshardaǵy eń jasy úlken er adam atandy (FOTO)
ASTANA. QazAqparat - 112 jastaǵy Israel Krıstal (Yisrael Kristal) álemdegi eń jasy úlken er adam dep tanyldy.
Israel 1903 jyly 15 qyrkúıekte dúnıege kelgen, alaıda onyń jasyn rastaıtyn qujat qazir ǵana tabyldy. Polshalyq Lodz qalasynyń muraǵatynda tabylǵan qujatta er adam 1918 jyly osy qalada turǵany jáne ol kezde 15 jasta bolǵany jazylǵan. 25 jasynda Krıstal úılenip, kondıterlik fabrıkada jumys istedi. Ekinshi dúnıejúzilik soǵys bastalǵannan keıin ony Osventsım kontslagerine jibergen. Onyń jary sol jerde qaza tapty, bosatylǵan kezde óziniń salmaǵy nebári 37 keli bolǵan.
Soǵystan keıin Israel Krıstal Izraılge baryp, kondıterlik dúńgirshek ashyp, ekinshi ret úılendi, dep jazdy trinixy.ru.
