1–11-synyp oqýshylaryna kásibı baǵdar berý jónindegi biryńǵaı nusqaýlyq ázirlenip jatyr

ASTANA. KAZINFORM — Y. Altynsarın atyndaǵy Ulttyq bilim akademııasynyń Adamı kapıtaldy damytý jáne kásibı baǵdar berý ortalyǵynda jalpy bilim beretin uıymdarda kásibı baǵdar berý jumysyn uıymdastyrýǵa arnalǵan kezeńdik nusqaýlyqty ázirleý maqsatynda jumys tobynyń qyzmeti bastaldy. 

— Nusqaýlyq bastaýysh synyp muǵalimderine, pán pedagogterine, synyp jetekshilerine jáne kásibı baǵdar berý mamandaryna arnalǵan. Onda is-árekettiń naqty algorıtmderi, sabaqtardyń úlgilik stsenarııleri, ata-analar men áleýmettik seriktestermen ózara is-qımyl formalary, sondaı-aq kásibı baǵdar jumysynyń nátıjesin baǵalaý jáne monıtorıng júrgizýdiń biryńǵaı talaptary qamtylady, — delingen Oqý-aǵartý mınıstrligi habarlamasynda.

Jumys tobynyń quramyna pedagogter men kásibı baǵdar berý salasynyń mamandary, Oqý-aǵartý mınıstrligi, Ǵylym jáne joǵary bilim mınıstrligi, Eńbek jáne halyqty áleýmettik qorǵaý mınıstrligi, «Atameken» Ulttyq kásipkerler palatasy jáne Ulttyq bilim akademııasynyń ǵylymı qyzmetkerleri kirdi.

Bul bastama mektep oqýshylaryna arnalǵan kásibı baǵdar berýdiń biryńǵaı tásilin qalyptastyryp, olardyń bolashaq kásibin anyqtaý júıesin jetildirýge baǵyttalǵan. 

Aıta ketelik UBT–2025: emtıhanǵa daıyndyq kýrsynyń baǵasy qansha ekeni týraly jazǵan edik.