111 myńnan asa jaǵdaı: Qaraǵandyda JRVI men tumaý áli jappaı tirkelip jatyr
QARAǴANDY. KAZINFORM — Qaraǵandy oblysynda JRVI boıynsha syrqattanýshylyq deńgeıi maýsym bastalǵaly 111 myńnan asty. Sonymen qatar zerthanalarda maýsymdyq tumaý shtammdarynyń aınalymy anyqtalyp otyr, olardyń basym bóligi A (H3N2) túrine jatady.
1 qazannan 8 jeltoqsanǵa deıin aımaqta JRVI-diń 111 086 jaǵdaıy tirkeldi, olardyń 59%-y — 14 jasqa deıingi balalar. Dárigerlerdiń aıtýynsha, dál osy balalar ujymdary respıratorlyq ınfektsııalarǵa eń osal top bolyp qalyp otyr.
Zerthanalyq túrde 89 jaǵdaı tumaý retinde rastaldy:
tumaý A (H3N2) — 88 jaǵdaı (98,8%),
tumaý A (H1N1) — 1 jaǵdaı (1,2%).
Naýqastardyń 76%-y — balalar, olardyń eshqaısysy ekpe almaǵan.
Qaraǵandy oblysynyń sanıtarııalyq-epıdemıologııalyq baqylaý basqarmasynyń basshysy ıÝrıı Zalygın anyqtalǵan vırýs túrleriniń burynnan aınalymda júrgen shtammdar ekenin atap ótti.
— Biz maýsymdyq tumaýdy tirkep otyrmyz. Onyń belgileri klınıkalyq turǵydan tolyq sáıkes keledi: temperatýranyń kóterilýi, qaltyraý, bas jáne bulshyqet aýrýy. Jańa shtammdar anyqtalǵan joq, alaıda ekpe almaǵan balalar arasyndaǵy joǵary syrqattanýshylyq vaktsınatsııanyń mańyzdylyǵyn kórsetedi, — dedi ol.
Tumaýdan bólek, oblysta ózge respıratorlyq vırýs túrleri de belsendi taralyp jatyr. Zerttelgen 685 úlginiń ishinde 37%-y oń nátıje kórsetken. Eń jıi anyqtalǵandary:
— rınovırýs — 41%,
— paragrıpp — 23%,
— bokovırýs — 15%,
— adenovırýs — 9,7%,
— RS-vırýs — 1,5%,
sondaı-aq basqa da qozdyrǵyshtar.
DDSU boljamy boıynsha, bıylǵy maýsymda A (H1N1), A (H3N2) jáne B shtammdary ózekti bolyp qala beredi jáne olardyń barlyǵy tumaýǵa qarsy vaktsınanyń quramyna engizilgen. Búgingi kúni oblys boıynsha 176 014 turǵyn vaktsına aldy.
Epıdemıologııalyq jaǵdaı bilim berý uıymdaryna da áser etip keledi. 8 jeltoqsandaǵy málimet boıynsha, 23 mektepte jáne 63 synypta shekti deńgeıden 30% joǵary syrqattanýshylyq tirkelgen. 899 oqýshy qashyqtan oqytý formatyna aýystyryldy.
Oblystyq sanıtarııalyq-epıdemıologııalyq baqylaý departamenti monıtorıng júrgizýdi jalǵastyryp, turǵyndarǵa profılaktıka sharalaryn saqtaý qajettigin eske salady:
— adamdar kóp jınalatyn oryndarda uzaq bolmaý;
— tumaý belgileri bar adamdarmen tikeleı qarym-qatynasty shekteý;
— qoldy jıi jýý jáne antıseptıkterdi paıdalaný;
— úı-jaıdy júıeli túrde jeldetý jáne ylǵaldy tazalaý;
— S dárýmenine baı taǵamdardy tutyný;
— alǵashqy belgiler baıqalǵanda óz betinshe emdelmeı, dárigerge júginý.
Mamandar qarapaıym profılaktıkalyq erejelerdi saqtaý JRVI men tumaýdyń taralý qaýpin tómendetýge kómektesetinin atap ótedi.
Eske salaıyq, JRVI men tumaý jaǵdaılarynyń ósýine baılanysty Qaraǵandy oblysynda 235 synyp qashyqtan oqytýǵa aýystyryldy.