110 myń ǵalym DAISh týraly pátýa shyǵardy
ASTANA. QazAqparat - Pákistannyń birikken ıslam ǵalymdary DAISh terrorıstik uıymy (Qazaqstanda tyıym salynǵan) qyzmetine qatysty baǵa berdi, www.muslim.kz.
Qujatta DAISh uıymy men osyǵan uqsas ózge de ekstremıstik jáne terrorıstik toptyń qyzmetteriniń ıslam dinine túbegeıli qaıshy keletini jazylǵan.
Pákistan ǵulamalar keńesi sonymen qatar, terrorıstik toptar jeleý etetin «jıhad» termınin ekstremıstik jáne terrorıstik qyzmettiń kez kelgen túrine qosyp aıtýǵa tyıym saldy. Imamdar DAISh uıymy ıslam qundylyqtaryn aıaqasty etip, qandy qylmystary arqyly dinge kúıe jaǵyp otyrǵanyn atap ótti.
Aıta ketý kerek, Pákistan ǵulamalar keńesine 110 myń din ǵalymdary kiredi. DAISh týraly pátýany keńes músheleri biraýyzdan qoldap, qol qoıdy.
