110 mln. amerıkalyqtardyń málimetin urlaǵan vırýsty 17 jastaǵy jasóspirim jasaǵan
ASTANA. 20 qańtar. QazAqparat - 110 mıllıon amerıkalyq bank kartochkasynyń málimetin urlaýǵa kómektesken Kaptoxa zııandy baǵdarlamasyn Sankt-Peterbor qalasynyń 17 jastaǵy jasóspirimi jasaǵan,
dep habarlady NTV.
Oryssha atalatyn «aılaker» vırýstyń qurbandary AQSh-ǵy iri Target dúkender jelisiniń 110 mıllıon klıenti. Urlyq rojdestvo jáne jańa jyl merekesi kezindegi qyzý saýda júrgen kúnderi jasalǵan. IntelCrawler kompanııasynyń bas dırektory Endrıý Komarov peterborlyq jasóspirimniń amerıkalyq satyp alýshylardyń málimetterin ózi urlamaǵandyǵyn, tek ózi jasap shyǵarǵan baǵdarlamany qaskóılerge satyp otyrǵanyn atap ótti. Vırýsty 2 myń dollarǵa ótkizip otyrǵan ol, BlackPOS/Kaptoxa vırýsyn paıdalanyp tapqan aqshamen bólisýge ýáde bergenderge jeńildik jasaıtyn bolǵan.
