110 mekteptiń dárethanasy aýlada tur – Bilim jáne ǵylym mınıstri

NUR-SULTAN. QazAqparat – Bilim jáne ǵylym mınıstri Ashat Aımaǵambetov mektep dárethanalaryn zaman talabyna saı etý máselesine qyryn qarap otyrǵan óńirlerdi atady, dep habarlaıdy QazAqparat tilshisi.

«Bir jyl buryn 2 700 mekteptiń dárethanasy dalada ornalasqan bolsa, búgin 2600-ge jýyq dárethana salynyp, bul kórsetkish 98,9%-ǵa jetti. Desek te, Túrkistan, Almaty, Bayts Qazaqstan jáne Shyǵys Qazaqstan oblystarynyń 110 mektebinde aýladaǵy dárethanalar jumys istep tur. Bul máseleni 1 qyrkúıekke deıin tolyq sheshý kerek», - dedi ol Úkimet otyrysynda.

Mınıstrdiń aıtýynsha, respýblıkada 21 myń oqýshy tasymaldaýdy qajet etedi.

«Búginde avtoparkimiz 758 avtobýstan turady. 3 jyl ishinde 203 avtobýs satyp alyndy. Bul jaqsy kórsetkish bolǵanymen, áli de 506 avtokólikti jańartý kerek. Sondyqtan ákimdikterden osy máselege qarajat qarastyrýdy suraımyn», - degen vedomstvo basshysy orta bilim berý uıymdarynyń as bloktarynda beınebaqylaý ornatylǵan mektepter sany 4 ese ósip, bıyl olardyń sany 2 400-den asqanyn atap ótti.

«Búginde 248 mektep qolma-qol aqshasyz esep aıyrysý formatyna kóshti. Bul jumysty jalǵastyryp, 2025 jyly 100 paıyzǵa jetkizemiz. Ystyq tamaqty uıymdastyrý konkýrstaryn túgeldeı elektrondy formatqa aýystyramyz», - dedi mınıstr.