110 almatylyqqa memlekettik marapat tapsyryldy
Memleket basshysynyń Jarlyǵyna saı qala ákimi Baýyrjan Baıbek elimizdiń damýyna aıtarlyqtaı úles qosqan almatylyqtarǵa memlekettik marapattardy tapsyrdy.
«Bizdiń Prezıdentimizben birge táýelsiz Qazaqstan óziniń Konstıtýtsııasyn, memlekettik rámizderin, ulttyq valıýtasyn qabyldady, Eýrazııa júreginde jańa astanany qurdy. Astana - Nursultan Nazarbaevtyń erligi, elimizdiń tarıhyna altyn áriptermen máńgilikke jazylyp qalady. Almaty - táýelsizdigimizdiń altyn besigi. Memleket basshysynyń erekshe nazary men qoldaýy arqasynda qala ekonomıkasy turaqty ósýde. Eger táýelsizdiktiń bastaýynda elimizdiń ІJÓ nebári 10% bolsa, qazir Almatynyń ekonomıkasynyń ózi el ekonomıkasynyń besten bir bóligin alady», - dedi óziniń quttyqtaý sózinde Baýyrjan Baıbek.
Ol qazirgi kezde megapolıstiń turaqty damý Maqsattaryna, Ekonomıkalyq yqpaldastyq jáne damý Uıymynyń standarttaryna jáne úzdik álemdik praktıkaǵa júginetinin aıtty. Keshe ǵana qala máslıhatynda bekitilgen Almatynyń keler jylǵy bıýdjeti Memleket basshysynyń Joldaýyn jáne «Almaty-2020» baǵdarlamasyn júzege asyrýǵa negizdelgen. ıAǵnı, naqty bıýdjettiń 40%-y áleýmettik salany, 23%-y qoǵamdyq kólik, jol ınfraqurylymy jobalaryn, qala kóshelerin rekonstrýktsııalaýdy qarjylandyrýǵa jumsalady.
Saltanatty jıyn barysynda Memleket basshysynyń Jarlyǵymen 110 almatylyqqa memlekettik marapat tapsyryldy. Olardyń arasynda bilim, mádenıet, densaýlyq saqtaý, bıznes pen ónerkásip salalarynyń ókilderi bar. Bulardan ózge, azamattyq qoǵamnyń, buqaralyq aqparat quraldarynyń ókilderi, sonymen qatar kólik, qurylys, energetıka jáne qarjy salasynyń mamandary joǵary marapattarǵa ıe boldy.
