11 jyl ishinde Qazaqstanda balanyń týýyna oraı tólenetin járdemaqy 7 ese kóbeıdi
Áleýmettik qoldaýdyń atalǵan túri elimizdegi týý kórsetkishine oń áser etti. Atap aıtqanda, joǵarydaǵy járdemaqy engizilgen ýaqyttan beri búginge deıin bala týý 60% artqan. Bul rette halyqty atalǵan járdemaqymen qamtý kórsetkishi 2,5 esege ulǵaıdy, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmetinen.
2006 jyldan beri Qazaqstanda jumys istemeıtin áıelderdiń bir jasqa deıingi bala kútimine tólenetin járdemaqy engizildi. 2006 - 2015 jyldar aralyǵynda atalǵan járdemaqy kólemi 3,7 esege ulǵaıdy (alǵash týǵan balaǵa - 3 myń 90 teńgeden 11 myń 417 teńgege, ekinshi balaǵa - 3 myń 605 teńgeden 13 myń 498 teńgege, úshinshi balaǵa 4 myń 120 teńgeden 15 myń 559 teńgege deıin). Tórtinshi jáne odan keıin týǵan balalarǵa járdemaqy 3,8 esege, 4 myń 635 teńgeden 17 myń 640 teńgege deıin artty.
2010-2015 jyldar aralyǵynda múgedek balany tárbıelep otyrǵan tulǵalarǵa tólenetin járdemaqy 1,5 esege, 14 myń 952 teńgeden 22 myń 433 teńgege deıin ósti.
Sondaı-aq, qıyn ómirlik jaǵdaıǵa tap bolǵan otbasylardy (tulǵalardy) qoldaý úshin memleket tarapynan otbasynyń ár múshesine ataýly áleýmettik járdemaqy qarastyrylǵan. 2002-2015 jyldar aralyǵynda atalǵan járdemaqynyń kólemi 2,7 esege ulǵaıdy (s 816 teńgeden 2 myń 179 teńgege deıin).
Qazaqstanda 1999 jyldan bastap UOS ardagerleri, múgedekteri men olarǵa teńestirilgen tulǵalar, kópbalaly analar men otbasylar, barlyq toptaǵy múgedekter jáne t.b., barlyǵy azamattardyń 20 sanatyna memlekettik arnaıy járdemaqy (MAJ) tólenip keledi.
Sońǵy 17 jylda MAJ kólemi 7 esege, 926 teńgeden 6 myń 474 teńgege deıin artty.
Eske salaıyq, kórsetilgen járdemaqylardyń kólemi aılyq eseptik kórsetkish (AEK) negizinde jyl saıyn ındekstelip otyrady. 2016 jyly AEK 2 myń teńge 121 teńgeni qurady.