11 jeltoqsannan bastap Qyzylorda oblysynda karantın talaptary jeńildetiledi

QYZYLORDA. QazAqparat - Qyzylorda oblysynda karantın talaptary jeńildetiledi, dep habarlaıdy QazAqparat tilshisi.
None
None

8 jeltoqsanda Qyzylorda oblysynyń Bas memlekettik sanıtarııalyq dárigeri Dınara Jańabergenova jańa qaýlyǵa qol qoıdy. Onda 31 qazandaǵy № 25 qaýlyǵa ózgerister engizilgen. Qaýly 11 jeltoqsannan bastap kúshine enedi.

Ózgeristerge saı endi saýda úıleri jeksenbi jáne mereke kúnderi jumys jasaıtyn boldy. Oǵan budan buryn tyıym salynǵan bolatyn.

«Jańa qaýly boıynsha saýda úıleri endi keshki saǵat 23.00-ge deıin jumys jasaýǵa múmkindik aldy. Mundaı oryndar buryn jumysyn atalǵan ýaqyttan bir saǵat erte aıaqtaıtyn. Bul jóninde kásipkerler másele kóterdi. Ony jergilikti Kásipkerler palatasy jergilikti atqarýshy organmen birlese otyryp talqylaǵan edi. Osylaısha atalǵan másele oń sheshimin tapty», - dedi Qyzylorda oblysy sanıtarlyq-epıdemıologııalyq baqylaý departamentiniń baspasóz hatshysy Aıman Janahaeva.

Onyń aıtýynsha, endi kınoteatrlar jeksenbi jáne mereke kúnderi de jumys jasaıdy. Kınoteatrlarǵa budan buryn demalys kúnderde jumys jasaýǵa tyıym salynǵan bolatyn.

Esterińizge sala ketelik, Qyzylordada sońǵy on kúnde úsh oqýshy koronavırýs juqtyrǵan.


Сейчас читают