11 jeltoqsanda keı óńirlerde jel kúsheıip, burqasyn bolady
ASTANA. QazAqparat - 11 jeltoqsanda ońtústikten jyljyǵan tsıklonnyń áserinen eldiń soltústik, shyǵys, ońtústik-shyǵys jáne ortalyq óńirlerinde jaýyn-shashyn bolady, al qalǵan aýmaǵynda kún ashyq. Qazgıdomettiń habarlaýynsha, respýblıkanyń keı jerlerinde tuman, kóktaıǵaq kútiledi, jel kúsheıedi. Almaty oblysynyń keı jerlerinde tuman, kóktaıǵaq bolýy yqtımal.
Jalańashkól aýdanynda jeldiń kúsheıýi 18-23, ekpini 28 m/s jetedi.
Shyǵys Qazaqstan, Mańǵystaý oblystarynyń keı jerlerinde jeldiń jyldamdyǵy 15-20 m/s, kúndiz Shyǵys Qazaqstan oblysynda jaıaý burqasyn bolady.
Qaraǵandy, Aqmola oblystarynyń keı jerlerinde burqasyn, tuman, Qaraǵandy oblysynda keı jerlerde kóktaıǵaq kútiledi.
Jambyl, Atyraý, Batys Qazaqstan oblystarynyń keı jerlerinde tuman túsip, kóktaıǵaq bolýy múmkin. Túrkistan, Qyzylorda, Qostanaı oblystarynda keı jerlerde tuman túsedi.
