11 jeltoqsanda Qazaqstanda ótetin mańyzdy sharalar

ASTANA

Saǵat 09.30-da lıtvalyq tanymal kardıohırýrg, Eýropanyń jetekshi mamandarynyń biri Rımantas Benetıs №2 qalalyq kópbeıindi aýrýhana bazasynda elimizdiń aldyńǵy qatarly kardıohırýrgteri úshin halyqaralyq sheberlik sabaǵyn ótkizedi.

Al saǵat 10.00-de Májiliste Áleýmettik-mádenıdamý komıtetiniń keńeıtilgen otyrysy bolady. Onda «Dopıngke qarsy zańnama» máselesi qaralady.

Dál osy ýaqytta Úkimet úıinde Úkimet otyrysy ótedi.

Saǵat 11.00-de «Astana-Balet» teatrynda «Sahna syrtynyń qupııasy» atty biregeı ekskýrsııanyń iske qosylýyna arnalǵan baspasóz týry bolady.

12.20-da Ortalyq kommýnıkatsııalar qyzmetinde «Prezıdenttiń bes áleýmettik bastamasy: «Saryarqa» magıstraldy gaz qubyrynyń qurylysyn júzege asyrý» taqyrybynda baspasóz máslıhaty uıymdastyrylady. Spıker - QR Energetıka vıtse-mınıstri Maǵzum Myrzaǵalıev.

«Indýstrııalandyrýdyń ekinshi besjyldyǵy: Qazaqstanda jasalǵan» atty jalpyulttyq telekópir men «QR Prezıdentiniń «Altyn sapa» syılyǵynyń, «Qazaqstannyń úzdik taýarlary» respýblıkalyq kórme-konkýrsynyń, «Paryz-2018» bıznestiń áleýmettik jaýapkershiligi konkýrsynyń laýreattaryn saltanatty marapattaý sharasy da osy kúni ótedi. Elbasy Nursultan Nazarbaevtyń qatysýmen «EHRO kongress ortalyǵynda» ótetin shara  saǵat 13.00-de bastalady.

Saǵat 15-00-de «EHRO kongress ortalyǵynda» Memleket basshysynyń qatysýymen ótetin «Indýstrıalandyrýdyń ekinshi besjyldyǵy: Qazaqstanda jasalǵan» atty jalpyulttyq telekópir aıasynda «Qazaqstandyq turǵyn úı-kommýnaldyq sharýashylyǵyn jańǵyrtý jáne damytý ortalyǵy» AQ uıymdastyrǵan kórme ótedi.

Osy ýaqytta Nazarbaev ortalyǵynda buqaralyq aqparat quraldary ókilderi arasynda ótkizilgen «Qazaqstan Táýelsizdigi jáne Elbasy» konkýrsynyń jeńimpazdary marapattalady.

Saǵat 16.00-de Ulttyq akademııalyq kitaphanada Qoǵamdyq damý mınıstri D.Káletaevtyń qatysýymen ókiletti organ janyndaǵy ÚEU-lar ózara is-qımyl jónindegi úılestirýshi keńestiń otyrysy ótedi.  

16.20-da Ortalyq kommýnıkatsııalar qyzmetinde Qazaqstandaǵy aǵymdaǵy sanıtarlyq-epıdemıologııalyq ahýalǵa arnalǵan baspasóz máslıhaty uıymdastyrylady.

Al keshki saǵat 19.00-de «Astana» kontsert zalynda Aqan seriniń 175 jyldyǵyna arnalǵan «Dýmandy el» keshi bolady.

ALMATY

Saǵat 10.00-de ál-Farbı atyndaǵy Qazaq ulttyq ýnıversıteti Almatydaǵy OON, UNESCO, UNDP, UNAI  ókildikterimen, BUU-nyń akademııalyq yqpal baǵdarlamasy múshelerimen birge  «BUU Adam quqyǵynyń jalpyǵa ortaq deklaratsııasynyń» 70 jyldyǵyna arnalǵan «dóńgelek ústel» ótkizedi.

Sonymen qatar saǵat 12.00-de Qazaqstan baspasóz klýbynda Almaty qalasynyń ýaqytsha saqtaý qoımasynan quny 3 mln dollardan asatyn júktiń iz-túzsiz joǵalýyna qatysty baspasóz máslıhaty uıymdastyrylady.

Al keshki saǵat 16.00-de «Mareven Fýd Tıan-Shan» jańa joǵary tehnologııalyq óndiristik-logıstıkalyq keshenniń saltanatty ashylýy bolady.

ShYMKENT

Saǵat 09.00-de Rixos Khadisha Shymkent qonaq úı kesheninde  elimizdiń úshinshi megapolısiniń belsendi jastarynyń forýmy bastalady.