11 jeltoqsanda eldegi qaı joldar jabyq tur

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady. 

Ulttyq kompanııanyń málimetinshe, aýa raıynyń nasharlaýyna baılanysty birneshe óńirde kólik qozǵalysy shekteldi.

Jambyl oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń «Qordaı asýynyń eski aınalma joly» 143–214-shaqyrymynda, Almaty oblysy shekarasynan Qordaı aýylyna deıingi ýchaskede júk avtokólikteriniń qozǵalysyna shekteý engizildi.

Almaty oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 59–143 shaqyrymynda, Jańaqurylys aýylynan Jambyl oblysy shekarasyna deıingi ýchaskede júk kólikteriniń qozǵalysyna shekteý engizildi.

Jetisý oblysy

• «Almaty – Taldyqorǵan – Óskemen – Shemonaıha – RF shekarasy» avtojolynyń 413-557 shaqyrymynda, Sarqan qalasynan Úsharal qalasyna deıingi ýchaskede;

• «Almaty – Taldyqorǵan – Óskemen – Shemonaıha – RF shekarasy» avtojolynyń 323-387-shaqyrymynda, Qyzylaǵash kenti – Jansúgirov kenti ýchaskesinde;

• «Úsharal – Dostyq» avtojolynyń 10-164-shaqyrymynda, Úsharal stantsııasynan Dostyq stantsııasyna deıingi ýchaskede barlyq kólik túri úshin qozǵalysqa shekteý engizildi.

• «Saryózek – Kóktal» avtojolynyń 40-68-shaqyrymynda, Altynemel asýynda júk jáne qoǵamdyq kólik túri úshin qozǵalysqa shekteldi.

Mańǵystaý oblysy

• «Dossor – Qulsary – Beıneý – Saı-Ótes – Shetpe – Jetibaı – Aqtaý» avtojolynyń 642-786-shaqyrymynda, Shetpe aýylynan Aqtaý qalasyna deıingi ýchaskede;

• «Aqtaý – Quryq» avtojolynyń 13–72-shaqyrymynda, Aqtaý qalasynan Quryq aýylyna deıingi ýchaskede barlyq kólik túrleriniń qozǵalysyna shekteý engizildi.

Eske salaıyq, buǵan deıin sınoptıkter 11 jeltoqsanda elimizdiń shyǵysynda, ońtústiginde, sondaı-aq ortalyq aımaqtarynda kúnniń kúrt sýytatynyn boljaǵan edi.