11 jeltoqsan kúni eldiń basym bóliginde qar jaýady
ASTANA. QazAqparat - Atmosferalyq fronttardyń ótýine baılanysty 11 jeltoqsan kúni Qazaqstannyń basym bóliginde jaýyn-shashyn (qar) kútiledi. Tek ońtústikte, ońtústik-batysta kún jaýyn-shashynsyz ótedi. Keı jerlerde tuman, kóktaıǵaq bolyp, jel kúsheıýi yqtımal, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqmola, Shyǵys Qazaqstan oblystarynyń keı jerlerinde burqasyn bolyp, 15-20 m/s jyldamdyqta jel turady. Shyǵys Qazaqstan oblysynda onyń ekpini - 23-28, Aqmola oblysynda 25 m/s jetedi.
Jambyl oblysynyń keı jerlerde tuman, kóktaıǵaq, burqasyn bolyp, jeldiń kúshi 15-20 m/s kúsheıedi.
Qostanaı, Soltústik Qazaqstan oblystarynyń keı jerinde tuman bolyp, jel 15-20 m/s artady.
Batys Qazaqstan oblysynyń keı jerlerinde tuman, kóktaıǵaq, burqasyn kútiledi.
Túnde Pavlodar oblysynyń keı jerlerinde burqasyn bolyp, jel 15-20 m/s kúsheıedi.
Almaty, Ońtústik Qazaqstan, Qyzylorda, Mańǵystaý, Atyraý, Aqtóbe oblystarynyń keı jerlerinde tuman boljanady, Almaty oblysynyń jekelegen aýmaqtarynda kóktaıǵaq kútiledi.
