11 jastaǵy qytaılyq qyzdyń arqasynan úshinshi qol ósip shyqty
ASTANA. 19 qarasha. QazAqparat - Beıjiń aýrýhanasyna arqasyna úshinshi qol ósip shyqqan 11 jastaǵy qyz jetkizildi.
Dárigerlerdiń aıtýynsha, qyz balada - bes mıllıon adamnyń bireýinde ǵana kezdesetin óte sırek patalogııa. Bul týraly Daily Mail habarlady.
Latyn tilinde Fetus in fetu (Embrıondaǵy embrıon) dep atalatyn klınıkalyq fenomenniń sebebi, óziniń egiziniń denesinde parazıttik tirshilik etip jatqan asa jetilmegen uryq bolyp tabylady. Oqıǵalardyń 80 paıyzynda teratoma qursaq qýysynan ósip shyǵady, degenmen, mı men denenń ózge de bólikterinde paıda bolýy múmkin.
Qytaılyq qyzdyń jaǵdaıynda, zertteýler kórsetkendeı, isik - dúnıege kelmegen ápkesiniń jaýyryny men eki saýsaǵy bar qoldan, sút bezinen jáne asqazan-ishek bólikterinen turady. Onymen qosa, embrıonnyń naýqastyń arqasynan ósip shyǵýy tarıhtaǵy alǵashqy jaǵdaı.
Qytaılyq professor Baogan Penniń (Baogan Peng) BMJ Case Reports mamandandyrylǵan jýrnalynda jasaǵan baıandamasynan keıin anomalııa medıtsınalyq ortanyń nazaryn aýdartty. Dáriger málim etkendeı, hırýrgtar parazıttik egizdi tolyǵymen alyp tastady.
