11 jastaǵy qazaqstandyq jazýshy qyzdyń kitaby Londonda basylady

ASTANA. QazAqparat - 11 jastaǵy qazaqstandyq jazýshy Maıde Aqan Ulybrıtanııany baǵyndyryp jatyr. Kúzde Londonda onyń meıirimdi qyz Aısý jáne orman perisi týraly ertegisi basylyp shyǵady, dep habarlady «Ekspress K».

«Aısý jáne sıqyrly sómke» serııasyndaǵy alǵashqy erteginiń shyǵýy EXPO 2017 halyqaralyq kórmesine oraılastyryldy. Onda aqyldy feıany kezdestirgen qyz týraly aıtylady. Feıa qyzǵa adamdardyń tabıǵatqa beıjaı qaraıtyndyǵy týraly aıtyp, kómek suraǵan. Aısý men ormanda meken etetinderdiń oqıǵalary osylaı bastaldy...

11 jastaǵy Maıde Aqan qorshaǵan ortany qorǵaý máselesin óz kitabynda ǵana emes, ómirde de kóteredi. Ol óz brendimen ekologııalyq sómkelerdi shyǵarady.