11 jastaǵy bala úıine kirgen uryny atyp óltirgen
ASTANA. QazAqparat - Amerıkanyń Mıssýrı shtatynda 11 jastaǵy bala úıine kirgen uryny atyp óltirgen. Oqıǵa ornyna kelgen polıtseıler basyna oq tıip ólgen 16 jastaǵy tonaýshynyń máıitin kórdi.
Polıtsııa atap ótkendeı, úıde balanyń 4 jasar qaryndasy bolǵan. Olardyń anasy úıde bolmady. Polıtseıler tonaýshynyń sybaılasy bolǵanyn aıtty.
Tonaýshylar úıge túski saǵat 14:00 kirgen. Olardy kórshileri baıqap qaldy. Kýágerlerdiń aıtýynsha, olar úıge kirip úlgermedi. Ekeýi urysyp turǵanda bala oq atqan. Sóıtip sybaılasy izin sýytty. Keıin ol da ustaldy, dep habarlady CNN.
Polıtsııa balalar nege úıde qaraýsyz qalǵanyn jáne kámeletke tolmaǵan bala qarýdy qaıdan alǵanyn anyqtaýda. Balalardyń anasy buryn tonaýshylar úıine kirmek bolǵannan keıin qarýdy satyp alǵanyn aıtqan.
