11 jastaǵy bala shyny synyǵymen qolyna ǵashyǵynyń esimin jazǵan
ASTANA. 22 shilde. QazAqparat - Aqmola oblysynda 11 jastaǵy bala shyny synyǵymen qolyna ǵashyǵynyń esimin jazǵan, dep habarlaıdy Aqmola oblystyq ІІD baspasóz qyzmeti.
Alaıda anasyna jáne polıtseılerge «Arýjan» esimin qolyna qaskóıler tyrnap jazdy dep jaltarmaq bolǵan.
Kishkentaı «Romeo» óz anasyna denesindegi jazýdy betterine betperde kıgen bireýler ony ustap alyp, kúshpen saldy dep túsindirgen. Osydan keıin, «jábir» kórgen balanyń anasy prokýratýraǵa shaǵymdanǵan. Bala prokýratýra qyzmetkerlerine anasyna bergen jaýapty aıtyp beredi.
«Mahabbat isin» jasóspirimder ınspektory, polıtsııanyń aǵa leıtenanty Ǵazız Amanjolov ashýǵa kómektesti. Ózara senimge quralǵan suhbat barysynda jas «Romeo» jazǵy lagerde Arýjan esimdi qyzǵa ǵashyq bolyp, qolyna onyń esimin tyrnap jazý arqyly óz mahabbatyn bildirýge tyrysqandyǵyn moıyndady.
