11 jastaǵy bala kishkentaı qyzdy pedofılden qutqaryp qaldy
AQTAÝ. QazAqparat - Kishkentaı qyzdy pedofılden qutqaryp qalǵan 11 jastaǵy Aqjol Sansyzbaı «Batys» óńirlik qolbasshylyǵynyń ofıtseri, zapastaǵy podpolkovnık Nurmahan Nurmanovtyń uly bolyp shyqty, dep habarlaıdy «QazAqparat» HAA tilshisi.
Oqıǵa 27 tamyzda shamamen saǵat 15.30-da bolǵan. Serýendep júrgen bala úlken er azamattyń kishkentaı qyzdy qurylys alańyna súırep bara jatqanyn kórgen. Aqjol shoshyp qalǵanyna qaramastan, oqıǵaǵa basqa úlkenderdiń nazaryn aýdaryp úlgerdi.
Qaskúnem 15 mınýttan keıin ustady. Ol 1995 jylǵy Aqtóbe qalasynyń týmasy bolyp shyqty. Qazir ol ýaqytsha tergeý oqshaýlaǵyshyna qamaýǵa alynyp, oǵan qatysty QR QK-niń 124-babyna sáıkes sotqa deıingi tergeý amaldary júrgizilip jatyr.
Aqjol Sansyzbaı 29 tamyz kúni Mańǵystaý oblysynyń ishki ister departamentine shaqyrtylyp, oǵan saltanatty jaǵdaıda qurmet gramotasy, noýtbýk jáne erligi úshin ereksheleý belgisi tabystaldy.
«Aqjol kishkentaı kezinen belsendi, qaıyrymdy ári zerek bolyp ósti. Alaıda, mundaı erlikti men óz ulymnan kútken joqpyn», - dedi Aqjoldyń ákesi Nurmahan Nurmanov.
Ofıtserdiń uly, pedofıldiń qurbany bola jazdaǵan qyzdyń ornynda jaqyndary nemese tanys adamdarynyń biri bolýy múmkin ekendigin aıtty.
«Men elimizdiń úlken-kishi azamattarynyń barlyǵyn óziniń azamattyq boryshyn umytpaýǵa shaqyramyn», - deıdi Aqjol.
