11 jasar «Pıkasso»
ASTANA. QazAqparat - Gaza sektorynda 11 jasar mektep oqýshysy óz darynymen kópke tanyldy: ol eresek qylqalam sheberlerindeı óte kórkem sýretter sala alady.
Oqýshynyń eńbekteri úkimettik mekemelerde, kórmelerde ilinip tur. Onyń sýret salý mánerin jurt Pıkassomen salystyrýda, dep habarlaıdy NTV.
Mýhammed Kreka naǵyz juldyzǵa aınaldy, óz mektebinde ol óte tanymal. Gaza sektory jýrnalısteriniń artynsha kópshilik qaýym da ony «arab Pıkassosy» dep ataýda.
Sýret pániniń oqytýshysy: «Mýhammed sýretti jaqsy salyp qana qoımaıdy, muny ol kórkem JOO-lardaǵy úlgili stýdentterdiń deńgeıinde salady» deıdi.
Mýhammed Krekanyń kartınalary men sýretteriniń salý tehnıkasy, taqyryby, kóńil-kúıi áralýan, sany - birneshe júz bolady. Balanyń eńbekke qabileti tańqalarlyqtaı. Osy áreketimen ol Pıkassoǵa qatty uqsaıdy. Ol ómirinde 20 myńǵa jýyq eńbek qaldyrǵan. Balǵyn sýretshide derbes shaǵyn kórmeleri bar.
BUU ınspektory palestındik sýretshiler qaýymdastyǵynyń tóraǵasy Isam Hıllıs: «Árıne, Mýhammedti Pıkasso dep ataý - asyra aıtqandyq. Biraq onyń óte daryndy bala ekendiginde, keremet myqty sýretshi bolatynyna kúmánim joq» deıdi.
