11 jasar qyzdyń ushaqqa bıletsiz kirgeni kameralarǵa túsip qalǵan
ASTANA. QazAqparat - Máskeýlik Vnýkovo áýejaıynda baqylaýdan bıletsiz ótip ketken 11 jasar qyzdy beıne baqylaý kameralary túsirip alǵan.
Jazbada qyzdyń eresek jolaýshynyń artyna tyǵylyp ótkenin kórýge bolady. Arqasyna rıýkzak ilgen balany eshkim baıqamaǵan.
Osyǵan deıin kólik polıtsııasynyń qyzmetkerleri Pýlkovo áýejaıynda jalǵyz júrgen balany baıqaǵan. Qyz Vnýkovodaǵy baqylaýlardan ótip, Sankt-Peterbýrg ózdigimen ushyp barǵanyn jetkizdi. Sondaı-aq ol buryn ushyp kórmegen jáne ushqysy kelgendikten barǵandyǵyn aıtty, dep habarlady rosbalt.ru.
