11 jasar qyzdyń asqazanynan bir keli shash shyqty
«Balanyń ishi aýyryp, bir apta boıy qusyp, tábeti bolmaǵan. Ony álsizdik mazalaǵan. Aýrýhanaǵa jatqyzylǵanǵa deıin asqazan-ishek joldarynyń buzylýyna baılanysty ambýlatorlyq em qabyldaǵan. 1 aqpanda bala jedel appendıtsıtke kúdikpen qabyldaý bólimine jetkizildi. Ol dıagnoz dınamıkalyq baqylaý barysynda rastalmady», - dedi Balalar shuǵyl medıtsınalyq kómek kórsetý ortalyǵynyń irińdi jáne keýde hırýrgııasy bóliminiń meńgerýshisi Samatbek Myrzahmet.
Balaǵa shuǵyl túrde ish qýysy múshelerine ýltradybystyq zertteý, ezofagogastrodýodenoskopııa jasaldy.
Aspappen tekserý satysynda asqazan kólemdi eho-teris zatpen tolyp turǵany belgili bolǵan.
«Zertteý nátıjesi asqazan qýysynda kólemdi túzilistiń baryn kórsetti: asqazanda kóptegen geterogendi bólshekten, shash óriminen jáne shyryshtan turatyn jáne asqazannyń búkil kólemin toltyryp turǵan las qara tústi bógde dene anyqtaldy. Qorytyndy dıagnoz – asqazannyń trıhobezoary», - dedi bólim meńgerýshisi Samatbek Myrzahmet.
Dárigerler qyzǵa narkozben laparotomııa, gastrotomııa, asqazannan bógde zatty alyp tastaý otasyn jasady.
«Asqazan qýysynda 16h6h5 sm, salmaǵy 1000 g úlken kólemdegi tyǵyz, kóptegen shashtan turatyn tamaq massasy men shyrysh jabysqan konglomeratpen beınelengen bóten dene, trıhobezoar tabylyp, shyǵaryldy», - dedi BShMKKO balalar hırýrgi Sáýle Súleımanova.
Dárigerlerdiń aıtýynsha, jutý nátıjesinde asqazan-ishek jolyna túsetin bógde deneler bezoarlar dep atalady. Eń kóp kezdesetini ósimdik tektes fıtobezoarlar. Olardyń paıda bolý sebebi – jańǵaq, injir, júzim, shabdaly, tsıtrýs jemisteri jáne taǵy basqasy. Organıkalyq tekti bezoarlar keıbir dárilik zattar, lak, shaıyrdy jutqanda asqazanda túziledi.
«Pedıatrııa tájirıbesinde shash nemese júnnen paıda bolǵan asqazandaǵy túzilimder erekshe qyzyǵýshylyq týdyrady. Mundaı bezoarlar shash, qas jáne kirpigin julyp, jutatyn patologııalyq beıimdiligi bar qyzdarda kezdesip, trıhotıllomanııa dep atalady», – dedi medıtsına Sáýle Súleımanova.
Almaty Balalar shuǵyl medıtsınalyq kómek kórsetý ortalyǵynyń málimetinshe, 2023 jyly «asqazannyń trıhobezoary» dıagnozy qoıylǵan bul alǵashqy jaǵdaı.