11 jasar kentaýlyq qyz jyl boıy jınaǵan qarajatyn Qulsaryǵa kómek retinde berdi
TÚRKІSTAN. KAZINFORM - Qulsaryǵa Kentaýdan sálem joldaǵan jasóspirim sý tasqynynan zardap shekken aımaqtaǵy aýyr ahýaldy kórip qatty ýaıymdaǵanyn aıtady.
Kentaý qalasynda sý tasqynynan zardap shekken aımaqtarǵa gýmanıtarlyq kómek jınalyp jatyr. Ortalyq alańǵa qoıylǵan júk kóligine qala turǵyndary qajetti zattardy alyp kelip, ótkizip jatyr. Olardyń ishinde azyq-túlik pen kúndelikti tutyný taýarlary bar. Igi iske jergilikti kásipkerler uıytqy bolyp otyr. Sondaı-aq arnaıy ashylǵan esep-shot arqyly da qarjy jınaqtalyp jatyr.
Búgin tańerten ortalyq alańǵa anasyna erip kelgen 11 jastaǵy Gaýhar Sháımerden óziniń jyl boıy jınaǵan qarajatyn kómek qabyldaýshylarǵa tabys etti. Kók qorapshaǵa salynǵan aqsha jınaǵyshtyń qasynda arnaıy jazylǵan hatta bar.
«Qulsaryǵa Kentaýdan sálem!» dep bastalatyn jazbada jasóspirim kentaýlyq oqýshylardyń ózderimen birge ekenin baıandaǵan.
«Men Sizderdiń aýyr jaǵdaılaryńyzdy kórip, qatty ýaıymdadym. Sizder qazaqtyń batyr uldary men qyzdarysyzdar. Sondyqtan bul qıyndyqtan aman-esen ótetindikterińizge senimdimin», - delingen hatta.
Eske sala keteıik, buǵan deıin 6 óńirde 4 myńǵa jýyq úı sý astynda qalǵanyn jazǵan edik.
