11 jasar qazaqstandyq tennısshi Ispanııadaǵy týrnırdiń jeńimpazy atandy

ASTANA. QazAqparat – Katalonııada (Ispanııa) 12 jasqa deıingiler arasynda ótken halyqaralyq týrnırde 11 jasar qazaqstandyq Márııam Nurjan chempıon atandy, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, aldymen jeńimpazdar Katalonııanyń tórt provıntsııasynda anyqtaldy. Sodan keıin olar ózara baq synasty.

Márııam Nurjan Katalonııanyń birinshi raketkasyn 7:6 (7:3), 3:6, 10:3 esebimen utyp, bedeldi jarysta úzdik atandy.

Qazaqstandyq sportshyǵa júldeni Ispanııanyń ataqty tennısshisi, kezinde «Úlken dýlyǵa» týrnırin 14 ret utqan Aranta Sanches Vıkarıo tabys etti.

Bishkekte 14 jasqa deıingiler arasynda ATF dodasynda taǵy bir qazaqstandyq Ańsar Nıetqalıev jekeleı jáne juptyq synda fınalǵa deıin jetti. Ańsar juptyq synda qazaqstandyq Aleksandr Sofrygınmen birge oınady.

Eske sala keteıik, budan buryn tennısten álem chempıonaty irikteý týrnırinde Qazaqstan jasóspirimderiniń qarsylasy anyqtalǵanyn jazǵan bolatynbyz.

Sondaı-aq Elena Rybakına álemdik reıtıngide rekordtyq orynǵa kóterildi.