11 jasar bala hımııalyq formýla qupııasyn ashty
ASTANA. 2 maýsym. QazAqparat - Shvetsııada 11 jasar bala ákesi 8 jyl boıy sheshe almaǵan hımııalyq eseptiń jaýabyn taýyp, avtor atanyp otyr.
Jáne kishkentaı Lınýs Hovmollerdiń esimi ákesiniń atymen birge ǵylymı jýrnalda jarııalanǵan. Bul týraly Qazaqstan telearnasy habarlaıdy.
Hımıkter tańdaǵan taqyryp ońaı emes. Ol - kvazıkrıstaldyń jaqyndaý qyzmetiniń atomdyq qurylymy týraly. Bunyń formýlasyn birlesip anyqtaýǵa Lınýs pen ákesi Sven byltyr kirisken eken. Al, eseptiń máni ashylǵanda baladan góri áke qatty qýanypty. Professordyń oıynsha, jasóspirimniń mıy qajet emes aqparattardan taza. Sondyqtan, hımııany janyndaı súıetin órenge bul máseleniń mánin ashý asa qıynǵa soqpaǵan.
