11 jasar bala aıaq astynan tap bergen aıýdan týystaryn qutqardy
ASTANA. QazAqparat -11 jasar Ellıot Klark Alıaskadaǵy ormanda serýendep júrgen týystaryn aıýdyń tyrnaǵynan aman alyp qaldy.
Klark ormanda ákesimen, atasymen jáne nemere aǵasymen birge júrgen. Kenetten shyǵa kelgen jyrtqysh onyń atasyna bas salǵan. Bala shalt qımyldap, aıýdy atyp úlgerdi. Alaıda birinshi oǵy aıdalaǵa ketti, biraq artynan atqandary jyrtqyshtyń ıyǵyna jáne murnyna tıdi. Balanyń ákesiniń aıtýynsha, olardy ulynyń myltyqty ıyǵynda emes, qolynda ustap kele jatqandyǵy qutqarǵan. Atasynyń da qarýy bolǵan, biraq aıaq astynan jyrtqysh tap bergende myltyqty ıyǵynan alýǵa úlgere almaǵan, dep habarlaıdy Associated Press.
