11 tamyzda respýblıkanyń batysy men shyǵysynda jańbyr jaýady, 6 aımaqta kún qatty ysıdy
ASTANA. 10 tamyz. QazAqparat - Qazaqstan Respýblıkasy Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, Qazaqstannyń kóptegen bóliginde jaýyn-shashynsyz aýa raıy saqtalýda.
Respýblıkanyń tek batysy men shyǵys aımaǵynda frontaldyq bólikterdiń ótýimen ótkinshi jańbyrlar bolyp, naızaǵaı oınaıdy, jel kúsheıedi.
Ońtústik Qazaqstan, Shyǵys Qazaqstan oblystarynda, kúndiz Jambyl, Qyzylorda oblystarynda jeldiń 15-20 m/s-ke deıin kúsheıýi, Batys Qazaqstan oblysynda - shańdy daýyl kútiledi.
Jambyl oblysynyń keıbir jerlerinde kún qatty ysıdy.
Atyraý, Aqtóbe oblystarynda kún óte ystyq bolady. Atyraý oblysynda, Ońtústik Qazaqstan oblysynyń kóptegen bóliginde, Batys Qazaqstan, Aqtóbe, Qyzylorda, Jambyl, Almaty, Pavlodar, Shyǵys Qazaqstan oblystarynyń keıbir jerlerinde tótenshe joǵary órt qaýpi saqtalady.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıleriniń aýytqýlary kútilýde.
