11 tamyz: Týǵan kún ıeleri
ESІMDER
57 jyl buryn (1961) Qazaqstan Respýblıkasy Aýyl sharýashylyǵy vıtse-mınıstri NYSANBAEV Erlan Nuralyuly dúnıege kelgen.
Almaty oblysynda týǵan.
Qazaq aýyl sharýashylyǵy ınstıtýty jáne Abaı atyndaǵy Qazaq Ulttyq pedagogıkalyq ýnıversıtetin támamdady. Orman sharýashylyǵy ınjeneri, qarjy salasynyń mamany, aýyl sharýashylyǵy ǵylymdarynyń kandıdaty.
Eńbek jolyn 1983 jyldyń qyrkúıek aıynda Almaty oblysyndaǵy orman sharýashylyǵynyń sheberi retinde bastady.
2006 jyldan 2009 jylǵa deıin «Astana-Zelenstroı» AQ-nyń bas dırektory qyzmetin atqardy.
2009 jyldan QR Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasy bolǵan. 2013-2014 jyldary QR Qorshaǵan ortany qorǵaý vıtse-mınıstri boldy. Qazirgi qyzmetinde - 2014 jyldyń tamyz aıynan bastap.
«Astanaǵa 10 jyl» mereıtoılyq medalimen, «Eren eńbegi úshin» medalimen, «Qurmet» ordenimen marapattalǵan.
55 jyl buryn (1963) «Elektr energetıkasyn damytý jáne energııa únemdeý ınstıtýty» AQ (Qazaqenergosaraptama)» basqarma tóraǵasy SMAǴULOV Baýyrjan Ámirjanuly dúnıege keldi.
Qaraǵandy qalasynda týǵan. Qaraǵandy medıtsına ınstıýtynda oqyǵan, Qaraǵandy ekonomıka ýnıversıtetin, E.Bóketov atyndaǵy Qaraǵandy memlekettik ýnıversıtetin jáne RF Prezıdenti janyndaǵy Reseı memlekettik qyzmet akademııasyn bitirgen.
Qaraǵandyda, Máskeýde medıtsına mekemelerinde, kommertsııalyq qurylymdarda, Qaraǵandy oblysynda jaýapty basshylyq qyzmetterde boldy. 2010 jylǵy mamyrdan - Qaraǵandy oblysy ákiminiń orynbasary. QR Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti tóraǵasynyń orynbasary boldy. Qazirgi qyzmetinde - 2016 jylǵy jeltoqsannan beri.
41 jyl buryn (1977) Halyqaralyq aqparat tehnologııalary ýnıversıtetiniń rektory ShYNYBEKOV Damır Abdýhalıuly dúnıege kelgen.
Ol Halyqaralyq bıznes ýnıversıtetin bitirgen, Drezden tehnıka ýnıversıtetinde, Halyqaralyq bıznes ýnıversıtetinde, Reseı shaǵyn jáne orta bıznesti qoldaý agenttiginde, Monrealdaǵy zamanaýı pedagogıka ortalyǵynda bilimin jetildirgen.
Eńbek joly: Halyqaralyq bıznes ýnıversıtetiniń qarjy jáne aqparattyq júıeler fakýltetiniń dekany.
Qazirgi laýazymyn 2009 jyldan beri atqaryp keledi.
«Qazaqstan Respýblıkasynyń táýelsizdigine 20 jyl» medalimen; QR BǴM, «Zerde» AQ qurmet gramotalarymen marapattalǵan.
QR Bilim jáne ǵylym mınıstrliginiń «Úzdik JOO oqytýshysy» memlekettik grantynyń ıegeri.
39 jyl buryn (1979) «ForteBank» AQ basqarma tóraǵasy ANDRONIKAShVILI Gýram Levanovıch dúnıege kelgen.
Ulybrıtanııanyń Darema ýnıversıtetin bitirgen (2001).
Eńbek joly: JP Morgan qarjy kompanııasynyń analıtıgi, sarapshysy, vıtse-prezıdenti (2001-2010); «METROKOMBANK» AQ basqarma tóraǵasy (2010-2012); «ForteBank» AQ basqarma tóraǵasy (2012 jyldan); «ForteBank» AQ basqarma tóraǵasynyń orynbasary (2015-2016); «ForteBank» AQ basqarma tóraǵasynyń birinshi orynbasary (2016-2018).
Qazirgi laýazymyn 2018 jylǵy aqpannan beri atqaryp keledi.
28 jyl buryn (1990) qazaqstandyq kásipqoı boksshy, Olımpıada oıyndarynyń eki dúrkin qola júldegeri DYChKO Ivan Fedorovıch dúnıege keldi.
Qostanaı oblysynda týǵan. Rýdnyı ındýstrııalyq ınstıtýtynda oqydy.
Jastar men jasóspirimdar arasyndaǵy QR chempıony, kóptegen halyqaralyq jarystar men týrnırlerge qatysyp, júldeger atanǵan, Gýanchjoýda ótken bokstan Azııa oıyndarynyń kúmis júldegeri. QR Prezıdenti N.Nazarbaevtyń júldesi úshin halyqaralyq týrnırde birinshi orynǵa ıe boldy.
Olımpıada oıyndarynyń eki dúrkin júldegeri (London-2012, Rıo-de-Janeıro-2016), Álem chempıonatynyń úsh dúrkin júldegeri (eki kúmis - Almaty-2013, Doha-2015, bir qola - Baký-2011), Azııa chempıony (Amman-2013), Azııa oıyndarynyń chempıony (Inchhon-2014) jáne kúmis júldegeri (Gýanchjoý-2010). 2015 jyly Qazaqstannyń úzdik boksshysy dep tanylǵan. Qazirgi tańda kásipqoı rıngte judyryqtasady.
67 jyl buryn (1950) amerıkalyq kompıýter jasaýshy, Apple fırmasy quryltaıshylarynyń biri Stıven VOZNıAK dúnıege keldi.