11 tamyz kúni elordada ótetin mańyzdy sharalar ańdatpasy

NUR-SULTAN

9.00-de Úkimet úıinde kezekti Úkimet otyrysy ótedi. Kún tártibinde elimizdegi qazirgi sanıtarııalyq-epıdemıologııalyq ahýal, Qazaqstan Respýblıkasynyń 2021 jylǵy qańtar-shilde aılaryndaǵy áleýmettik-ekonomıkalyq damýynyń qorytyndysy jáne respýblıkalyq bıýdjettiń atqarylýy, sonymen birge oqý jylynyń bastalýyna daıyndyq barysy qaralady. Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarynda onlaın rejımde kórsetiledi.

16.30-da QR Prezıdenti janyndaǵy Ortalyq kommýnıkatsııalar qyzmetinde «Aǵymdaǵy epıdemıologııalyq jaǵdaı týraly» baspasóz máslıhaty ótedi. Spıkerler: Medıtsına ǵylymdarynyń magıstri, QR DSM Statsıonarlyq jáne statsıonarlyq-almastyrýshy medıtsınalyq kómek basqarmasynyń bas sarapshysy Aıma Saǵyndyqova, Medıtsına ǵylymdarynyń kandıdaty, QR DSM Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Aınagúl Qýatbaeva, QR DSM Sanıtarlyq-epıdemıologııalyq baqylaý komıtetiniń basqarma basshysy Maral Raqymjanova, Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov jáne Nur-Sultan Sanıtarlyq-epıdemıologııalyq baqylaý departamentiniń basshysy Sarhat Beısenova.