11 tamyz kúngi aýa raıy boljamy
NUR-SULTAN. QazAqparat - Joǵary atmosferalyk kysym aýmaǵynyń yqpalynan jáne ońtústik qurǵaq tsıklonnyń áserinen 11 tamyz kúni Qazaqstannyń basym bóliginde jaýyn-shashynsyz kún raıy saqtalady. Respýblıkanyń tek batysynda jáne soltústik-batysynda Máskeý aýmaǵynan kelgen tsıklonnyń yqpalymen naızaǵaı oınap, jańbyr jaýady. Keı jerlerde jańbyr qatty jaýatyny kútiledi. Jekelegen óńirlerde ekpindi jel, daýyl, burshaq, soltústikte tuman boljanady, dep habarlaıdy QazAqparat.
«Qazgıdromet» RMK málimetine sáıkes, Atyraý, Mańǵystaý, Batys Qazaqstan oblystarynyń keı jerlerinde naızaǵaı oınap, daýyl turady, burshaq jaýýy múmkin, jel 15-20, Atyraý oblysynda ekpini 23-28 m/s kúsheıedi.
Kúndiz Aqtóbe, Qostanaı oblystarynyń keı jerlerinde naızaǵaı kútiledi, jel 15-20 m/s kúsheıedi.
Túrkistan, Qyzylorda oblystarynyń keı aýmaqtarynda shańdy daýyl bolyp, jeldiń kúshi 15-20 m/s artady.
Jambyl, kúndiz Qaraǵandy, túnde Shyǵys Qazaqstan oblystarynyń jekelegen aýmaqtarynda jel 15-20 m/s kúsheıedi.
Almaty oblysynyń keı jerlerinde jeldiń jyldamdyǵy 17-22 m/s jetedi.
Túnde jáne tańerteń Soltústik Qazaqstan oblysynyń, túnde Pavlodar oblysynyń keı jerlerin tuman basady.
Sondaı-aq kúndiz Almaty, Jambyl, Qostanaı, Aqmola, Qaraǵandy oblystarynyń keı jerlerinde qatty ystyq kútiledi.
Budan bólek, Qyzylorda, Túrkistan, Jambyl, Almaty, keı jerlerde Qaraǵandy, Aqtóbe, Shyǵys Qazaqstan, Aqmola oblystarynda óte joǵary órt qaýpi saqtalady.
