11 tamyzdan bastap elektrondy tsıfrlyq qoltańba tek onlaın beriledi
ASTANA. KAZINFORM – Endi qazaqstandyqtarǵa elektrondy tsıfrlyq qoltańba alý úshin halyqqa qyzmet kórsetý ortalyǵyna barýdyń qajeti joq. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstrligi habarlaıdy.
ETsQ-ny onlaın alý úshin kelesi qadamdardy jasaý qajet:
– egov.kz portalyna nemese http://pki.gov.kz saıtyna tirkelý kerek;
– veb-kamera arqyly bet-álpetti skanerleý arqyly sáıkestendirýden ótý kerek;
– sáıkestendirý sátti ótken jaǵdaıda, ETsQ kilti birden beriledi;
– eger sáıkestendirý sátsiz bolsa (mysaly, derekter bazasynda fotosýrettiń bolmaýy), paıdalanýshyǵa 5 ret qaıta áreket etýge múmkindik beriledi.
Bıometrııalyq sáıkestendirýden óte almaǵan jaǵdaıda, qoldanýshy halyqqa qyzmet kórsetý ortalyǵyna júgine alady.
– Atalǵan shara azamattardyń jeke deregin qorǵaý deńgeıin arttyrýǵa jáne tsıfrlyq jeke basyn saqtaý maqsatynda engizilgen. Osylaısha, ETsQ-ny bógde adamnyń ıelený múmkindigi joıylady, - delingen mınıstrlik taratqan aqparatta.
Eske salaıyq, endi bógde elektrondy tsıfrlyq qoltańbany qoldanǵan jaǵdaıda, jaýapkershilik qarastyrylǵan.