11-synyp túlekterine attestat qashan tapsyrylady
NUR-SULTAN. QazAqparat - 11-synyp túlekterine attestat 3-4 maýsymda tapsyrylady, dep habarlaıdy QazAqparat.
«Jyl saıyn bul is-shara maýsym aıynyń ortasynda ótkiziletin. Biraq mektep bitirýshileri úshin qorytyndy attestattaý emtıhandary ótkizilmeıtinin jáne UBT-ǵa qashyqtan daıyndalý qajettiligin eskere otyryp, bul is-sharany maýsym aıynyń basyndy ótkizý týraly sheshim qabyldadyq. Іs-shara aıasynda saltanatty túrde attestattar tapsyrylyp, 11-synyp túlekteri úshin sońǵy qońyraý soǵylady», - dep málimdedi Bilim jáne ǵylym vıtse-mınıstri Sholpan Karınova Facebook-tegi paraqshasynda.
Іs-shara mindetti túrde mektep aýmaǵynda, ashyq aýada, qonaqtarsyz, tek túlekterdiń qatysýymen jáne sanıtarlyq normalardy saqtaı otyryp ótýi tıis. Attestat tapsyrý rásimine mektep formasynda kelý usynylady.
Sondaı-aq, saltanatty bólimnen keıin Ekologııa, geologııa jáne tabıǵı resýrstar mınıstrligimen birlesip, aǵash otyrǵyzý aktsııasyn ótkizý josparlanyp otyr. Keıingi jyldary mundaı aktsııa dástúrli túrde 25 mamyrǵa oraı uıymdastyrylady.
Budan buryn habarlanǵandaı, 3-4 maýsym kúnderi Qazaqstan mektepterinde sońǵy qońyraý sharasy ótedi.
