11 shildede Qazaqstan aýmaǵynyń basym bóliginde joǵary órt qaýpi saqtalady
ASTANA. QazAqparat - 11 shildede Respýblıka aýmaǵynyń basym bóliginde turaqsyz aýa raıy saqtalady, keı jerlerde naızaǵaı oınap, jańbyr jaýady, jel kúsheıedi, eldiń shyǵysynyń keı jerlerinde burshaq jaýýy yqtımal. Respýblıkanyń ońtústigi men ońtústik-batysynda ǵana kún ashyq bolady, dep habarlady Tótenshe jaǵdaılar mınıstrligi «Qazgıdrometke» silteme jasap.
Aqmola, Soltústik Qazaqstan, Pavlodar, Shyǵys Qazaqstan, túnde Almaty, kúndiz Jambyl, Atyraý, Batys Qazaqstan, Aqtóbe, Qostanaı, Qaraǵandy oblystarynyń keı jerlerinde jel 15-20 m/s-qa deıin kúsheıedi,
Soltústik Qazaqstan oblysynyń keı jerlerinde tumandy bolady, Shyǵys Qazaqstan oblysynyń keı jerlerinde kúndiz burshaq jaýýy yqtımal.
Atyraý, Aqtóbe, Qostanaı oblystarynda, Jambyl, Mańǵystaý, Batys Qazaqstan, Qaraǵandy oblystarynyń keı jerlerinde kúndiz aptap ystyq bolady.
Qyzylorda, Ońtústik Qazaqstan, Aqtóbe, Jambyl oblystarynyń basym bóliginde, Atyraý, Batys Qazaqstan, Qaraǵandy, Almaty, Shyǵys Qazaqstan oblystarynda óte joǵary órt qaýpi saqtalady.
