11 shildede el óńirlerinde qatty ystyq bolady

ASTANA. QazAqparat – 11 shildede respýblıkanyń basym bóliginde antıtsıklon jotasyna baılanysty jaýyn-shashynsyz kún raıy qalyptasady. Eldiń tek batysynda atmosferalyq frontaldy bólikterdiń ótýimen naızaǵaı oınap, jańbyr jaýady. Óńirlerde jel kúsheıip, batysta, ońtústik-batys pen ońtústikte shańdy daýyl turady. QazAqparat bul týraly Qazgıdrometke silteme jasap habarlaıdy.

Batys Qazaqstan, Atyraý, Mańǵystaý, Túrkistan, Almaty, Aqmola, Qostanaı, Soltústik Qazaqstan, Pavlodar, Qaraǵandy, Qyzylorda, Jambyl, Ulytaý oblystarynyń basym bóliginde qatty ystyq saqtalady.

Al Aqtóbe oblysynyń – basym bóliginde, Aqmola oblysynyń – batysynda, Mańǵystaý oblysynyń – soltústik-shyǵysynda, Qostanaı, Soltústik Qazaqstan oblystarynyń – batysy men ońtústiginde, Ulytaý oblysynyń ońtústiginde óte qatty ystyq kútiledi.

Jambyl, Qyzylorda, Mańǵystaý oblystarynyń basym bóliginde, Túrkistan oblysynyń ońtústiginde, batysy men soltústiginde, shóldi aýdandarynda, Atyraý oblysynyń ońtústigi men soltústiginde, Qostanaı, Jetisý oblystarynyń ońtústiginde, Aqtóbe oblysynyń ońtústigi men ońtústik-shyǵysynda órt tutanýdyń tótenshe qaýpi saqtalady.

Soltústik Qazaqstan, Aqmola, Almaty, Qaraǵandy, Ulytaý oblystarynda, Pavlodar oblysynyń soltústik-batysynda, shyǵysynda, ońtústiginde, Shyǵys Qazaqstan oblysynyń ońtústiginde, batysynda, Abaı oblysynyń ońtústiginde órt tutaný yqtımaldyǵy joǵary.