11 shilde kúni Qazaqstanda ótetin mańyzdy sharalarǵa sholý

ASTANA

10.00-de Memleket basshysy Nursultan Nazarbaev Shýche-Býrabaı kýrorttyq aımaǵyna jumys saparymen barady.

9.00-de Qazmedıa ortalyǵynda «Radio Asia 2018» halyqaralyq konferentsııasy bastalady.

9.00-de «Rixos President Astana» qonaq úıinde ISO Ortalyq Hatshylyǵynyń damý, oqytý jáne tehnıkalyq saıasat bólimi qoldaýymen jáne halyqaralyq sarapshylardyń qatysýymen aımaqtyq semınar ótedi.

10.00-de L.N.Gýmılev atyndaǵy Eýrazııa ulttyq ýnıversıtetinde Ortalyq Azııa, Kavkaz, Shyǵys Eýropa elderiniń  «Green Heroes» I Halyqaralyq konferentsııasy ótedi.

11.30-da №10 emhanada Astana ákimi Áset Isekeshev, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev jáne QR Densaýlyq saqtaý mınıstri Eljan Birtanovtyń qatysýymen semınar-jınalys ótedi.

15.00-de Ortalyq kommýnıkatsııalar qyzmetinde «Jaz mezgilindegi aýrýlardyń aldyn-alý» taqyrybynda  baspasóz máslıhaty ótedi.

15.30-da QR Memlekettik qyzmet isteri jáne sybaılas jemqorlyqqa qarsy is-qımyl agenttigi men Syrtqy ister mınıstrligi jáne Investıtsııalar jáne damý mınıstrligi arasynda ózara árekettestik týraly memorandýmǵa qol qoıylady. Odan bólek, «Protecting business and investments» jobalyq keńsesiniń ári qaraıǵy qyzmeti talqylanady.

18.00-de «Jeruıyq» demalys saıabaǵynda «Densaýlyq kepili - Býd zdorov! - Be healthy!» uranymen «Saý ádetter marafony» aktsııasy ótedi.

AQTÓBE OBLYSY

11:00-de Aqtóbedegi Óner ortalyǵynda «Qazaqstannyń úzdik taýary» respýblıkalyq kórme-baıqaýynyń aımaqtyq kezeńi ótedi. Kórmege 40-tan astam otandyq taýaróndirýshi qatysady. Jeńimpazdar «Óndiristik maqsattaǵy úzdik taýar», «Úzdik azyq-túlik taýary» jáne «Halyqqa arnalǵan úzdik taýar» atalymdary boıynsha anyqtalady.

ShYǴYS QAZAQSTAN OBLYSY

17.00-de Óskemende B. Aleksandrov atyndaǵy Sport saraıynda  voleıboldan áıelder arasyndaǵy Azııanyń klýbtyq chempıonaty ashylady.