11 sáýirden «Bolashaq» stıpendııasyna qujattardy qabyldaý bastalady

ASTANA. QazAqparat - 11 sáýirden «Bolashaq» stıpendııasyna qujattardy qabyldaý bastalady. Bul týraly búgin Ortalyq kommýnıkatsııalar qyzmetindegi brıfıngte QR Bilim jáne ǵylym mınıstrligi «Halyqaralyq baǵdarlamalar ortalyǵy» AQ prezıdenti Ǵanı Nyǵymetov málim etti.

«Bıyl 700 stıpendııa bólinip otyr. Barsha óńirlerde konkýrs boıynsha tolyq aqparatty taratatyn bolamyz. Qujattardy qabyldaý 2016 jylǵy úsh kezeńde júrgiziledi, ıaǵnı 11 sáýirden 13 mamyrǵa deıin, 13 maýsymnan 29 shildege deıin jáne 15 tamyzdan 15 qyrkúıekke deıingi aralyqta iske asyrylady», - dep toqtaldy Ǵ. Nyǵymetov.

Qujattardy elektrondy úkimet veb-portaly, «Azamattar úshin úkimet» memlekettik korporatsısy arqyly (burynǵy HQKO), sondaı-aq «Halyqaralyq baǵdarlamalar ortalyǵyna» baryp tapsyrýǵa bolady.