11 sáýir kúni Qazaqstanda ótetin mańyzdy sharalarǵa sholý

ASTANA

Saǵat 9.00-de «Grand Park Esil» qonaq úıinde «Qorshaǵan ortaǵa synap pen lastaýshy zattardyń taralýy: lastaýshy zattardyń shyǵarylýyn anyqtaý tásilderi, ınventarızatsııa jáne memlekettik tirkelimge engizý» semınary bastalady.

9.00-de «Nur Otan» partııasy Tóraǵasynyń birinshi orynbasary elordadaǵy áleýmettik nysandardyń jumysymen tanysady. Alǵashqy nysan - «Nurly júrek» áleýmettik qyzmet kórsetý ortalyǵy bolmaq. Sondaı-aq, Máýlen Áshimbaev 2-15 jas aralyǵyndaǵy múgedek balalar tegin ońaltý kýrsynan óte alatyn «Qasıetti Jol» ońaltý ortalyǵyna barady.

9.30-da «Rixos President Astana Hotel» qonaq úıinde mınıstr Qaırat Ábdirahmanov qatysatyn «Qazaqstan Respýblıkasyndaǵy bıznes ahýal: Investıtsııalyq ombýdsmen ınstıtýty men sybaılas jemqorlyqqa qarsy is-qımyl mehanızmderi» atty halyqaralyq forým ótedi.

10.00-de QR Parlamenti Májilisiniń jalpy otyrysy bastalady.

10.00-de «Kórme» ortalyǵynda gúl ósirý men kógaldandyrýǵa arnalǵan «AstanaFloraExpo-2018» IH halyqaralyq kórmesi ashylady.

11.00-de Aqordada shetel elshileri Qazaqstan Respýblıkasynyń Prezıdenti N. Á. Nazarbaevqa senim gramotalaryn tapsyrady.

11.00-de Bas prokýratýrada jolaýshylar tasymaldaý salasyndaǵy prokýratýra organdarynyń tekserý nátıjelerine qatysty baspasóz máslıhaty ótkiziledi.

11-00-de Elbasy N.Á. Nazarbaevtyń «Bolashaqqa baǵdar: Rýhanı jańǵyrý» baǵdarlamalyq maqalasy jarııalanýynyń bir jyldyǵyna arnalǵan QR Prezıdenti janyndaǵy QSZI jýrnaldary «Kazahstan - Spektr», «Qoǵam jáne Dáýir» arnaıy basylymdarynyń tanystyrylymy ótkiziledi.

15.30-da Qazaq gýmanıtarlyq zań ýnıversıtetinde (Astana q., Qorǵaljyn tas joly 8, 6-qabat, 611-kabınet) QHA «Jańǵyrý joly» respýblıkalyq jastar qozǵalysy kóshbasshylarynyń stýdenttermen kezdesýi ótedi.

16.20-da Astanadaǵy Ortalyq kommýnıkatsııalar qyzmetinde «Halyq Barysy» jobasynyń bastalýyna baılanysty baspasóz máslıhaty ótedi.

19.00-de Q.Qýanyshbaev atyndaǵy Memlekettik akademııalyq qazaq mýzykalyq drama teatry Astana qalasynyń 20 jyldyǵyna oraı «Beıbitshilik jáne Kelisim saraıy» sahnasynda «Otello» tragedııasynyń premerasyn usynady.

ALMATY

09.30-da Almatydaǵy Nıkol soborynda Astanalyq jáne Qazaqstandyq mıtropolıt Aleksandr Qazaqstan Prezıdenti Nursultan Nazarbaevtyń syılyǵyn qabyldaıdy jáne shirkeýlerdiń birine tapsyrady.

10.00-de T. Júrgenov atyndaǵy Óner akademııasynda Memleket basshysy N. Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty halyqqa Joldaýyn júzege asyrýǵa jáne nasıhattaýǵa arnalǵan jas ǵalymdar men stýdentterge arnalǵan «Zamanaýı jahandyq álem: Rýhanı jandaný jáne ulttyq biregeılikti saqtap qalý máselesi» taqyrybynda halyqaralyq ǵylymı-praktıkalyq konferentsııa ótedi.

11.00-de Óńirlik kommýnıkatsııalar qyzmetinde «Shet memlekette bilim alý múmkindikteri jáne «Bolashaq» halyqaralyq stıpendııasyna qujat tapsyrý tártibindegi ózgerister týraly» brıfıng ótedi.

11.00-de Botanıkalyq baqta «Qos astana marafony» atty qaıyrymdylyq aktsııasy ótedi.

12.00-de Segizbaev atyndaǵy «Qaırat» FK balalar akademııasynda «Dostyq úshin fýtbol» halyqaralyq balalar áleýmettik baǵdarlamasynyń altynshy maýsymyna arnalǵan baspasóz máslıhaty ótedi.

QOSTANAI

11.00-de oblys basshysy Arhımed Muhambetovtiń tóraǵalyǵymen Qostanaı qalasyn damytý máselelerine arnalǵan keńes ótedi. Jıynda Qostanaı qalasynyń ákimi Bazyl Jaqypov baıandama jasaıdy.

11.00-de «Mıras» mádenıet saraıynda fashıstik kontslager tutqyndaryn azat etýdiń halyqaralyq kúnine baılanysty kontserttik baǵdarlama uıymdastyrylady. Bul sharaǵa buryn fashıstik kontslagerdiń kámelettik jasqa tolmaǵan tutqyny bolǵandar men tyl ardagerleri qatysady.

KÓKShETAÝ

Saǵat 10:30-12:30 aralyǵynda QR Tuńǵysh Prezıdenti qory jáne Aqmola oblysy ákimdigi arasyndaǵy seriktestik týraly memorandým sheńberinde «Rýhanı jańǵyrý» baǵdarlamasynyń basty baǵyttaryn túsindirý boıynsha kezdesý ótkiziledi.