11 sáýir kúni elordada dabyl qaǵylady
NUR-SULTAN. QazAqparat - 11 sáýir kúni Nur-Sultan qalasynda qulaqtandyrý júıelerin tekserý úshin dabyl qaǵylady, dep habarlaıdy QazAqparat qalalyq tótenshe jaǵdaılar departamentiniń baspasóz qyzmetine silteme jasap.
«11 sáýir kúni 09 saǵat 55 mınýtta tele-radıo arnalardy ustap qalý jáne elektrodabyldardy qosý arqyly Nur-Sultan qalasynyń qulaqtandyrý júıeleri tekseriledi. Tótenshe jaǵdaı oryn alǵan kezde nemese sondaı qaýip tóngen kezde elektrodabyldar nemese basqa da dabyl quraldary qosylady, ol «Barshanyń nazaryna!» biryńǵaı qulaqtandyrý dabylyn bildiredi. Bul dabyldy estigen kezde turǵyndar is-áreket týraly nusqaý men aqparat alý úshin mindetti túrde qolaıly aqparat qabyldaý quraldaryn (teledıdarlar, radıolar jáne taǵy basqa) qosýy kerek» delingen habarlamada.
Nur-Sultan qalasy tótenshe jaǵdaılar departamenti qala turǵyndaryn sabyr saqtap, úreılenbeýge shaqyrady.
