11 oblysta aptap ystyqqa baılanysty eskertý jarııalandy
Kúndiz 23-24 maýsymda Aqtóbe oblysynyń ońtústiginde 40-41 gradýs ystyq bolady. Kúndiz 23 maýsymda Aqtóbe oblysynyń soltústiginde naızaǵaı oınaıdy. 23 maýsymda ońtústik-shyǵystan, ońtústikten jel soǵady, oblystyń ońtústiginde ekpini – 18 m/s bolady dep kútiledi. Aqtóbe qalasynda 23 maýsymda kúndiz kún kúrkireıdi.
23 maýsymda kúndiz Qaraǵandy oblysynyń soltústiginde, ońtústik-shyǵysynda naızaǵaı oınaıdy. Soltústik-batystan, soltústikten jel soǵady, oblystyń soltústiginde, ońtústik-shyǵysynda ekpini 15-20 m/s-ǵa jetedi. Kúndiz 23-25 maýsymda oblystyń basym bóliginde 37 gradýs qatty ystyq saqtalady. Jezqazǵan qalasynda kúndiz 23-25 maýsymda 35-37 gradýs ystyq bolmaq.
23 maýsym kúni kúndiz Atyraý oblysynyń shyǵysynda 41 gradýs ystyq bolady. Oblystyń shyǵysynda tótenshe órt qaýpi kútiledi. Atyraý oblysynyń soltústiginde, shyǵysynda jáne ortalyǵynda ońtústik-shyǵystan jel soǵady, ekpini – 15-20 m/s. Kúndiz 38 gradýsqa deıin qatty ystyq kútiledi. Atyraý qalasynda 23 maýsym kúndiz ońtústik-shyǵystan jel soǵady, ekpini – 15-18 m/s. Kúndiz aýa temperatýrasy 36-38 gradýs-qa jetip, aptap ystyq bolady dep boljanýda.
23 maýsymda Batys Qazaqstan oblysynyń soltústik-batysynda naızaǵaı, burshaq, daýyl kútiledi. Jel soltústik-batystan, soltústikten soǵady, kúndiz oblystyń soltústik-batysynda ekpini – 15-20 m/s. Kúndiz oblystyń basym bóliginde 37 gradýsqa deıin qatty ystyq kútiledi.
23 maýsymda Túrkistan oblysynyń taýly aýdandarynda naızaǵaı, daýyl kútiledi. Ońtústik-shyǵystan jel soǵady, taýly aýdandarda jeldiń ekpini 15-20 m/s-qa jetedi.
23 maýsymda kúndiz Qyzylorda oblysynda 42 gradýs aptap ystyq bolady dep boljanýda. Oblystyń basym bóliginde tótenshe órt qaýpi saqtalady. Qyzylorda qalasynda 23 maýsymda kúndiz 40 gradýs qatty ystyq kútiledi. Tótenshe órt qaýpi saqtalady.
23 maýsymda Almaty oblysynyń ońtústiginde jáne taýly aýdandarynda naızaǵaı oınaıdy, kúndiz oblystyń batysyn shańdy daýyl basady. Ońtústik-batystan jel soǵady, kúndiz oblystyń batysynda jáne shyǵysynda – 15-20 m/s, ekpini – 25 m/s. Kúndiz oblystyń ortalyǵynda jáne shyǵysynda 36 gradýs qatty ystyq kútiledi. Taldyqorǵan qalasynda 23 maýsymda kúndiz 36 gradýs qatty ystyq saqtalady. Qonaev qalasynda 23 maýsymda kúndiz 36 gradýs qatty ystyq bolady dep boljanýda.
23 maýsymda Mańǵystaý oblysynyń soltústigin, batysyn, ortalyǵyn shańdy daýyl basady. Soltústik-batystan jel soǵady, oblystyń soltústiginde, batysynda, ortalyǵynda – 15-20, ekpini – 25 m/s. Kúndiz oblystyń basym bóliginde 40 gradýs aptap ystyq kútiledi. Aqtaý qalasyn kúndiz 23 maýsymda shańdy daýyl basady. Soltústik-batystan jel soǵady, ekpini 15-20 m/s-qa jetedi.
Kúndiz 23 maýsymda Shyǵys Qazaqstan oblysynyń batysynda, ortalyǵynda soltústik-batystan jel soǵady, ekpini – 15-20 m/s. Kúndiz oblystyń ońtústiginde, ońtústik-shyǵysynda 36 gradýs qatty ystyq kútiledi. Oblystyń batysynda tótenshe órt qaýpi saqtalady.
23 maýsymda Qostanaı oblysynyń batysynda, shyǵysynda naızaǵaı, burshaq, daýyl kútiledi. Jel ońtústik-batystan soǵady, naızaǵaı kezinde ekpini 15-20 m/s-qa deıin jetedi. Kúndiz oblystyń ońtústiginde 39 gradýsqa deıin qatty ystyq bolady.
23 maýsymda túnde Pavlodar oblysynyń soltústiginde, kúndiz oblystyń basym bóliginde batystan, soltústik-batystan jel soǵady, ekpini 15-20 m/s-qa jetedi. Pavlodar qalasynda 23 maýsymda batystan, soltústik-batystan jel soǵady, kúndiz ekpini – 15-20 m/s.
