11 naýryzda elimizdiń birqatar oblystarynda jel kúsheıip, tuman túsedi - Qazgıdromet
ASTANA. QazAqparat - El aýmaqtarynyń basym bóligi 11 naýryz kúni antıtsıklonnyń yqpalynda bolady, kún ashyq, dep habarlaıdy QR TJM baspasóz qyzmeti «Qazgıdrometke» silteme jasap.
Tek aýa aǵyndarynyń áserinen soltústik pen shyǵysta keı jerlerde azdap qar jaýyp, kún burqasyndatady, kóktaıǵaq. Respýblıka boıynsha birqatar jerlerde tuman túsip, jel kúsheıedi. Aqmola, Qostanaı oblystarynda jeldiń ekpini 15-20 m/s-qa jetedi, tuman túsedi. Almaty, Ońtústik Qazaqstan, Qyzylorda, Batys Qazaqstan, Aqtóbe, Soltústik Qazaqstanda, kúndiz Jambyl, Atyraý oblystarynda keı jerlerde jeldiń kúshtiligi 15-20 m/s-qa deıin barady. Mańǵystaý oblysynda keı jerlerde shań kóterilip, jeldiń ekpini 15-20 m/s-qa jetedi. Shyǵys Qazaqstan oblysynyń birqatar jerlerinde burqasyn bolady, al kúndiz kúshi 15-20 m/s-qa deıin jetetin jel soǵady. Sondaı-aq Pavlodar oblysynda da ekpini 15-20 m/s bolatyn jel kútiledi.
