11 naýryzda bolatyn mańyzdy sharalar ańdatpasy
Saǵat 09.00-de Úkimet úıinde Úkimet otyrysy ótedi. Kún tártibinde Qazaqstan Respýblıkasynyń 2021 jylǵy qańtar-aqpan aılaryndaǵy áleýmettik-ekonomıkalyq damýynyń qorytyndysy jáne respýblıkalyq bıýdjettiń atqarylýy, bilim berý júıesin jetildirý qaralady. Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarynda onlaın rejımde kórsetiledi.
Saǵat 10:00-de Senattyń kezekti otyrysy bolady. Senat otyrysy palatanyń www.parlam.kz saıtynda onlaın rejımde kórsetiledi.
Saǵat 11.00-de Qazaqstan Respýblıkasynyń Ulttyq mýzeıinde Ulystyń uly kúni - Naýryz meıramyna arnalǵan «Kóktem sımfonııasy» atty ulttyq kádesyılar, keskindeme jáne qolóner buıymdary kórmesiniń saltanatty ashylý rásimi ótedi.
Beıbitshilik jáne Kelisim Saraıynda «ÚMІT TASPASY» kórmesi ótedi. Kórme 8 naýryz Halyqaralyq áıelder kúnine oraılastyrylǵan jáne oǵan ártúrli baǵyttaǵy sýretshilerdiń jumystary qoıylady. Kórmeniń maqsaty - sút bezi qaterli isigin baqylaý baǵdarlamasyna qoǵam nazaryn aýdarý.
12.30-da Ortalyq kommýnıkatsııalar qyzmetinde «Janar-jaǵarmaı naryǵyndaǵy sońǵy ózgerister týraly»
baspasóz konferentsııa ótedi. Spıkerler: QR Energetıka vıtse-mınıstri Maǵaýov Áset Maratuly, gaz jáne munaı-gaz hımııasy departamentiniń dırektory Sarsekeev Qýanysh Meıirbekuly, gaz jáne munaı-gaz hımııasy departamenti dırektorynyń orynbasary Ábilhaırov Dáýren Turǵanbaıuly, munaı-gaz salasynyń sarapshysy Baıdıldınov Oljas Hadjımuratuly, QR Básekelestikti qorǵaý jáne damytý agenttiginiń munaı jáne gaz basqarmasynyń basshysy Baspaqov Bahtııar Beısenǵalıuly. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.
ALMATY
Saǵat 16.00-de Almaty qalasy Kásipkerler palatasynyń alańynda sybaılas jemqorlyqqa qarsy is-qımyl jáne kvazımemlekettik jáne jeke sektorlarda komplaens-qyzmetterdi engizý máseleleri boıynsha keńes ótedi. Shara Zoom platformasynda bolady.