11 naýryzda aýa raıy qandaı bolady
NUR-SULTAN. QazAqparat - Sınoptıkter 11 naýryz, jumaǵa arnalǵan aýa raıy boljamyn usyndy, dep habarlaıdy QazAqparat «Qazgıdrometke» silteme jasap.
Qazaqstan aýmaǵynyń basym bóligi ońtústik tsıklonnyń yqpalynda bolady. Osyǵan baılanysty 11 naýryzda jaýyn-shashyn jaýady, tuman túsip, kóktaıǵaq bolady. Jel kúsheıedi.
Tek eldiń qıyr soltústik óńirleri sýyq antıtsıklonnyń yqpalynda bolǵandyqtan jaýyn-shashyn jaýmaıdy.
Aqmola oblysynyń ońtústiginde, kúndiz Soltústik Qazaqstan oblysynyń ońtústik-batysynda jel ekpini 15-20 m/s deıin kúsheıedi.
Túrkistan oblysynyń batysynda, taýly jáne taý bókterindegi aýdandarynda naızaǵaı kútiledi, jel qarqyny - 15-20 m/s.
Túnde Aqtóbe oblysynyń batysynda, ońtústiginde, soltústiginde - jaıaý burqasyn, ortalyǵynda, soltústiginde -15-20 m/s jel, túnde oblystyń ońtústiginde – kóktaıǵaq bolady.
Batys Qazaqstan oblysynyń soltústik-shyǵysynda tuman túsip, kóktaıǵaq bolady. Jel jyldamdyǵy 15-20 m/s jetedi.
Mańǵystaý oblysynyń batysy men soltústiginde tuman bolady.
Túnde jáne tańerteń Almaty oblysynyń ońtústiginde, ortalyǵynda – tuman, kúndiz oblystyń shyǵysynda sekýndyna 15-20 metr jyldamdyqpen jel turady.
Qostanaı oblysynyń ońtústiginde, ońtústik-batysynda jaıaý burqasyn, oblystyń soltústiginde – tuman, oblystyń ońtústiginde – 15-20 m/s jel soǵady.
Qaraǵandy oblysynyń batysynda, ońtústiginde – tuman, kóktaıǵaq, batysynda, ońtústiginde jel qarqyny 15-20 m/s deıin kúsheıedi.
Shyǵys Qazaqstan oblysynyń ońtústik-batysynda, ońtústiginde - tuman, kúndiz oblystyń batysynda, ońtústik-batysynda jel ekpini - 15-20 m/s.
Qyzylorda oblysynyń ortalyǵynda – tuman, túnde jáne tańerteń soltústikte, oblystyń ortalyǵynda jeldiń kúshi 15-20 m/s jetedi.
Jambyl oblysynyń soltústiginde, taýly aýdandarynda – tuman, ońtústik-batysta, soltústik-shyǵysta, oblystyń taýly aýdandarynda – 15-25 m/s jel soǵady.
