11 naýryz. Tulǵalar týǵan kún

ASTANA. QazAqparat – Búgin, 11 naýryzda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

7 6 jyl buryn (1947) QR Ulttyq Qyzyl Aı qoǵamynyń prezıdenti, medıtsına ǵylymdarynyń kandıdaty, Qazaqstannyń eńbek sińirgen qyzmetkeri Erkebek Qambaruly ARǴYMBAEV dúnıege keldi.

Almaty oblysynyń Jambyl aýdany Samsy aýylynda týǵan. 1971 jyly Almaty memlekettik medıtsına ınstıtýtynyń emdeý fakýltetin «Emdeý isi» mamandyǵy boıynsha, 1987 jyly Almaty joǵary partııa mektebin bitirgen. 1971-1977 jyldary Almaty oblystyq týberkýlezge qarsy dıspanseriniń dáriger-ınterni, Jambyl aýdandyq týberkýlez aýrýhanasynda dáriger-ftızıatr, Jambyl aýdandyq emdeý birlestiginiń Degeres bólimshelik aýrýhanasynyń bas dárigeri. 1977-1983 jyldary QazKSR Densaýlyq saqtaý mınıstrliginiń emdeý-profılaktıkalyq jumysy Bas basqarmasynyń dáriger-ınspektory, kollegııa hatshysy, kadr bóliminiń bastyǵy. 1983-1987 jyldary Qazaqstan Kompartııasy OK-niń Ǵylym jáne oqý oryndary bóliminiń nusqaýshysy. 1987-1992 jyldary Almaty oblystyq densaýlyq saqtaý basqarmasynyń bastyǵy. 1992-1994 jyldary QR Densaýlyq saqtaý mınıstriniń birinshi orynbasary. 1994-1996 jyldary QR Qyzyl Krest jáne Qyzyl Aı Qoǵamynyń (2002 jyldan bastap QR Ulttyq Qyzyl Aı qoǵamy) bas dırektory, 1996 jyldan bastap prezıdenti qyzmetin atqarady. «Qazaqstan Respýblıkasy densaýlyq saqtaý isiniń úzdigi» (1997), «Qazaqstannyń eńbek sińirgen qyzmetkeri» (1998). «Altyn Adam – Jyl Adamy» festıval-konkýrsynyń «Qazaqstannyń 2000 jylǵy Qoǵam qaıratkeri» nomınatsııasynyń jeńimpazy.

6 3 jyl buryn (1960) Qazaqstan Respýblıkasy memlekettik qaıretkeri Aleksandr Aleksandrovıch MILıÝTIN dúnıege keldi.

Altaı ólkesinde (RFSR) týǵan. Semeı qurylys tehnıkýmyn, tehnık-qurylysshy (1982); Shákárim atyndaǵy Semeı memlekettik ýnıversıtetin ınjener-ekonomıst (2002) bitirgen.

Eńbek joly: Altaı ólkesi Ýglovskıı aýdany Kalının sovhozynyń jumysshysy (1977); «Promstroı» tresiniń montajdaýshysy, oqshaýlaýshysy, slesari (RF) (1982-1984); «Kazprotehmontaj» tresiniń proraby (1984-1991); «Zerger» KFK MP dırektorynyń orynbasary (1991-1998); Semeı et-konservi kombınatynyń vıtse-prezıdenti (1998-1999); Parlament Májilisiniń depýtaty II saılanǵan Qazaqstan Respýblıkasy); III saılanǵan Qazaqstan Respýblıkasy Parlamenti Májilisiniń depýtaty, Qarjy jáne bıýdjet komıtetiniń múshesi, Qazaqstan Respýblıkasy Parlamentiniń «Eńbek» depýtattyq tobynyń múshesi, Qazaqstan Respýblıkasy Parlamentiniń «Aýyl» depýtattyq tobynyń múshesi (2004-2007); IV saılanǵan Qazaqstan Respýblıkasy Parlamenti Májilisiniń depýtaty, Ekologııa jáne tabıǵatty paıdalaný máseleleri komıtetiniń múshesi (2007-2011); V saılanǵan Qazaqstan Respýblıkasy Parlamenti Májilisiniń depýtaty, Ekologııa jáne tabıǵatty paıdalaný máseleleri komıtetiniń tóraǵasy (2012-2016).

«Qurmet» (2005) ordenimen; «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Parlamentine 10 jyl» (2006), «Qazaqstan polıtsııasyna 15 jyl», «Astananyń 10 jyldyǵy» (2008) medaldarymen marapattalǵan.

5 8 jyl buryn (1965) QR Joǵarǵy sotynyń sýdıasy Erbol Juqatuly ISMAILOV dúnıege keldi.

Qostanaı oblysynda týǵan. 1989 jyly Qaraǵandy memlekettik ýnıversıtetin támamdaǵan. Eńbek jolyn 1982 jyly Torǵaı oblystyq memlekettik eńbek jınaq kassasy basqarmasynda sıgnalızatsııa boıynsha ınjener bolyp bastaǵan. 1989-1991 jyly Qazaq KSR Memlekettik agrarlyq ónerkásip komıteti Arqalyq et kombınatynda zańger-keńesshi, 1991 jyly Torǵaı oblystyq ádilet basqarmasynyń keńesshisi, 1991-1994 jyldary Arqalyq qalalyq prokýrorynyń aǵa kómekshisi, 1994-1995 jyldary Torǵaı oblystyq prokýratýrasynyń prokýrory, 1995-1997 jyldary Torǵaı oblystyq sotynyń sýdıasy, 1997-1998 jyldary Aqmola oblystyq sotynyń sýdıasy, 1998-2002 jyldary Astana qalalyq sotynyń sýdıasy bolǵan.

2002 jyldyń sáýirinen bastap qazirgi qyzmetinde.

4 7 jyl buryn (1976) Qazaqstan Respýblıkasy Prezıdenti Ákimshiliginiń Basshysy Murat Ábýǵalıuly NURTІLEÝ dúnıege keldi.

Ál-Farabı atyndaǵy Qazaq memlekettik ulttyq ýnıversıtetin bitirgen. Halyqaralyq qatynastar salasy mamany. Dıplomatııalyq dárejesi – birinshi synypty keńesshi. Syrtqy ister mınıstrliginiń memlekettik hattama basqarmasynyń referenti, attashesi, Qazaqstan Respýblıkasynyń Malaızııadaǵy Elshiliginiń attashesi, Qazaqstan Respýblıkasy Syrtqy ister mınıstrligi Azııa jáne Afrıka departamentiniń ekinshi hatshysy, Qazaqstan Respýblıkasy Syrtqy ister mınıstriniń keńesshisi, Syrtqy ister mınıstri hatshylyǵynyń basshysy Qazaqstan Respýblıkasy Parlamenti Senaty apparaty basshysynyń orynbasary bolyp qyzmet istegen. 2007-2011 jyldary Senat apparatynyń basshysy boldy. 2011 jyly QR Syrtqy ister mınıstrliginiń erekshe tapsyrmalar jónindegi elshisi, QR SІM Azııa jáne Afrıka departamentiniń dırektory. Jenevadaǵy (Shveıtsarııa Konfederatsııasy) QR Turaqty ókildiginde keńesshi ýákil (2011-2014); QR Prezıdent Ákimshiligi Syrtqy saıasat ortalyǵy meńgerýshisiniń orynbasary (2014-2016). Qazaqstan Respýblıkasynyń Fınlıandııa Respýblıkasyndaǵy Tótenshe jáne Ókiletti elshisi, Qazaqstan Respýblıkasynyń Estonııa Respýblıkasyndaǵy Tótenshe jáne ókiletti elshisi (2017-2019) mindetin qosa atqarýshy boldy. QR Prezıdentiniń kómekshisi (2019-2021). Qazaqstan Respýblıkasy Prezıdenti Ákimshiligi Basshysynyń orynbasary (2021-2022); QR Ulttyq qaýipsizdik komıteti Tóraǵasynyń Birinshi orynbasary (01.2022-02.2022).

Qazirgi qyzmetinde 2022 jyldyń aqpan aıynan bastap.