11 naýryzda eldegi qaı joldar ashyq, qaısysy jabyq

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2026 jylǵy 11 naýryz saǵat 08:30-daǵy jaǵdaı boıynsha kelesi respýblıkalyq mańyzy bar avtojoldarda jeńil kólikterdiń qozǵalysy jandandy:

Jambyl oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 534-593-shaqyrymy (Aısha-bıbi aýyly – Túrkistan oblysynyń shekarasy aralyǵy).

Túrkistan oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 593-654-shaqyrymy (Jambyl oblysynyń shekarasy – Mashat aýyly aralyǵy).

Jabyq joldar

Qolaısyz aýa raıyna baılanysty respýblıkalyq mańyzy bar kelesi jol ýchaskelerinde qozǵalys shekteldi:

Qostanaı oblysy

• «Astana – Atbasar – Jaqsy – Rýzaevka – Sarykól – Qostanaı» avtojolynyń 418-539-shaqyrymy (Qarabalyq kenti – Qostanaı qalasy aralyǵy).

Joldy 2026 jylǵy 11 naýryzda saǵat 18:00 shamasynda ashý josparlanyp otyr.

Pavlodar oblysy

* «Astana – Shiderti – Pavlodar – Ýspenka – RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.

Eske salaıyq, buǵan deıin sınoptıkter Qazaqstan aýmaǵynyń basym bóliginde atmosferalyq fronttardyń áserinen aýa raıy turaqsyz bolatynyn, jańbyr men qar túrinde jaýyn-shashyn túsetinin boljaǵan edi.