11 naýryz. Tulǵalar týǵan kún
Búgin, 11 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
79 jyl buryn (1947) «Qazaqstan Respýblıkasynyń Ulttyq Qyzyl Jarty Aı qoǵamy» qoǵamdyq birlestiginiń prezıdenti, medıtsına ǵylymdarynyń kandıdaty, Qazaqstannyń eńbek sińirgen qyzmetkeri Erkebek Qambaruly ARǴYMBAEV dúnıege keldi.
Almaty oblysynyń Jambyl aýdany Samsy aýylynda týǵan. 1971 jyly Almaty memlekettik medıtsına ınstıtýtynyń emdeý fakýltetin «Emdeý isi» mamandyǵy boıynsha, 1987 jyly Almaty joǵary partııa mektebin bitirgen.
1971-1977 jyldary Almaty oblystyq týberkýlezge qarsy dıspanseriniń dáriger-ınterni, Jambyl aýdandyq týberkýlez aýrýhanasynda dáriger-ftızıatr, Jambyl aýdandyq emdeý birlestiginiń Degeres bólimshelik aýrýhanasynyń bas dárigeri, 1977-1983 jyldary QazKSR Densaýlyq saqtaý mınıstrliginiń emdeý-profılaktıkalyq jumysy Bas basqarmasynyń dáriger-ınspektory, kollegııa hatshysy, kadr bóliminiń bastyǵy, 1983-1987 jyldary Qazaqstan Kompartııasy OK-niń Ǵylym jáne oqý oryndary bóliminiń nusqaýshysy, 1987-1992 jyldary Almaty oblystyq densaýlyq saqtaý basqarmasynyń bastyǵy, 1992-1994 jyldary QR Densaýlyq saqtaý mınıstriniń birinshi orynbasary qyzmetin atqarǵan. 1994-1996 jyldary QR Qyzyl Krest jáne Qyzyl Aı Qoǵamynyń (2002 jyldan bastap QR Ulttyq Qyzyl Aı qoǵamy) bas dırektory, 1996 jyldan bastap prezıdenti qyzmetin atqarady.
«Qazaqstan Respýblıkasy densaýlyq saqtaý isiniń úzdigi», «Qazaqstannyń eńbek sińirgen qyzmetkeri».
2002 jyldyń naýryz aıynan bastap qazirgi qyzmetinde.
61 jyl buryn (1965) Eýrazııalyq ekonomıkalyq odaq sotynyń sýdıasy Erbol Juqatuly ISMAILOV dúnıege keldi.
Qostanaı oblysynda týǵan. 1989 jyly Qaraǵandy memlekettik ýnıversıtetin támamdaǵan.
Eńbek jolyn 1982 jyly Torǵaı oblystyq memlekettik eńbek jınaq kassasy basqarmasynda sıgnalızatsııa boıynsha ınjener bolyp bastaǵan. 1989-1991 jyldary Qazaq KSR Memlekettik agrarlyq ónerkásip komıteti Arqalyq et kombınatynda zańger-keńesshi, 1991 jyly Torǵaı oblystyq ádilet basqarmasynyń keńesshisi, 1991-1994 jyldary Arqalyq qalalyq prokýrorynyń aǵa kómekshisi, 1994-1995 jyldary Torǵaı oblystyq prokýratýrasynyń prokýrory, 1995-1997 jyldary Torǵaı oblystyq sotynyń sýdıasy, 1997-1998 jyldary Aqmola oblystyq sotynyń sýdıasy, 1998-2002 jyldary Astana qalalyq sotynyń sýdıasy bolǵan.
2024 jyldyń qańtar aıynan bastap qazirgi qyzmetinde.
52 jyl buryn (1974) Qazaqstan Respýblıkasy Іshki ister mınıstrliginiń apparat basshysy Aıdos Qaqashauly RYSBAEV dúnıege keldi.
Aqmola oblysy Qorǵaljyn aýdany Qorǵaljyn aýylynda týǵan. 1996 jyly Aqmola ýnıversıtetin, 2005 jyly QR ІІM Qaraǵandy zań ınstıtýtyn bitirgen.
Іshki ister organdaryndaǵy qyzmetin 1998 jyldan bastap Aqmola qalasy ІІB Shyǵys polıtsııa bóliminiń kámeletke tolmaǵandar jónindegi bólimshesiniń ınspektory laýazymynan bastaǵan. 1998-2016 jyldary ishki ister organdarynda ártúrli orta jáne aǵa basshylyq quram laýazymdarynda qyzmet atqarǵan. 2016-2019 jyldary Astana qalasy PD Saryarqa aýdany polıtsııa basqarmasynyń bastyǵy, 2019-2022 jyldary Nur-Sultan q. (Astana) PD bastyǵynyń orynbasary, 2022-2023 jyldary QR ІІM Krımınaldyq polıtsııa departamentiniń bastyǵy, 2023-2024 jyldary QR Іshki ister mınıstriniń orynbasary, 2024-2026 jyldary Іshki ister mınıstrligi Kóliktegi polıtsııa departamentiniń bastyǵy laýazymyn atqardy.
Qazirgi qyzmetin 2026 jyldyń qańtar aıynan bastap atqaryp keledi.
50 jyl buryn (1976) Qazaqstan Respýblıkasy Prezıdentiniń halyqaralyq ınvestıtsııa jáne saýda yntymaqtastyǵy jónindegi kómekshisi Murat Ábýǵalıuly NURTІLEÝ dúnıege keldi.
Almaty qalasynda týǵan.1998 jyly Ál-Farabı atyndaǵy Qazaq ulttyq ýnıversıtetiniń Halyqaralyq qatynastar fakýltetin támamdaǵan.
Eńbek joly: 1998-1999 jyldary QR Syrtqy ister mınıstrligi Memlekettik protokol qyzmetiniń referenti, attashesi, 1999-2003 jyldary Qazaqstannyń Malaızııadaǵy Elshiliginiń attashesi, 2003-2004 jyldary QR SІM Azııa jáne Afrıka departamentiniń ekinshi hatshysy, 2004-2006 jyldary QR Syrtqy ister mınıstriniń keńesshisi, 2007 jyly QR Syrtqy ister mınıstri hatshylyǵynyń basshysy, 2007 jyly QR Parlamenti Senatynyń Apparaty basshysynyń orynbasary, 2007-2011 jyldary QR Parlamentiniń Senaty Apparatynyń basshysy, 2011 jyly QR Syrtqy ister mınıstrliginiń Erekshe tapsyrmalar jónindegi elshisi, 2011 jyly QR SІM Azııa jáne Afrıka departamentiniń dırektory, 2011-2014 jyldary Qazaqstan Respýblıkasynyń Jenevadaǵy (Shveıtsarııa Konfederatsııasy) Turaqty ókildiginde keńesshi-ýákil, 2014-2016 jyldary QR Prezıdenti Ákimshiliginiń Syrtqy saıasat ortalyǵy meńgerýshisiniń orynbasary, 2016-2019 jyldary Qazaqstan Respýblıkasynyń Fınlıandııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Estonııadaǵy Tótenshe jáne Ókiletti Elshisi qyzmetin qosa atqarýshy, 2019-2021 jyldary QR Prezıdentiniń kómekshisi, 2021-2022 jyldary QR Prezıdenti Ákimshiligi Basshysynyń orynbasary, 2022 jyly QR Ulttyq qaýipsizdik komıteti tóraǵasynyń birinshi orynbasary, 2022-2023 jyldary QR Prezıdenti Ákimshiliginiń basshysy, 2023-2025 jyldary QR Premer-Mınıstriniń orynbasary – Syrtqy ister mınıstri laýazymyn atqardy.
Qazirgi qyzmetin 2025 jyldyń qyrkúıeginen beri atqaryp keledi.
41 jyl buryn (1985) «Básekelestiktiń damýyn taldamalyq zertteý ortalyǵy» respýblıkalyq memlekettik mekemesiniń dırektory Janar Asylhanqyzy ADIKOVA dúnıege keldi.
Qaraǵandy «Bolashaq» ózekti bilim berý ınstıtýtyn «ekonomıka» jáne «quqyqtaný» mamandyqtary boıynsha támamdaǵan.
2008-2013 jyldary QR Tabıǵı monopolııalardy retteý agenttiginiń Qaraǵandy oblysy boıynsha departamentinde bas maman bolyp jumys istedi. 2013-2020 jyldary QR Ulttyq ekonomıka mınıstrliginiń qurylymdarynda túrli laýazymdardy atqardy, onyń ishinde Qostanaı oblysy boıynsha Básekelestikti qorǵaý jáne damytý komıteti departamentiniń dırektory boldy. 2020-2021 jyldary QR Básekelestikti qorǵaý jáne damytý agenttiginiń Qarjy naryqtary jáne ózge de salalar departamentiniń dırektory, 2021-2026 jyldary Eýrazııalyq ekonomıkalyq komıssııasynyń Básekelestik saıasaty jáne memlekettik satyp alý salasyndaǵy saıasat departamentin basqardy.
Qazirgi qyzmetin 2026 jylǵy aqpannan bastap atqaryp keledi.