11 naýryz. Tulǵalar týǵan kún
Búgin, 11 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
78 jyl buryn (1947) QR Ulttyq Qyzyl Aı qoǵamynyń prezıdenti, medıtsına ǵylymdarynyń kandıdaty, Qazaqstannyń eńbek sińirgen qyzmetkeri Erkebek Qambaruly ARǴYMBAEV dúnıege keldi.
Almaty oblysynyń Jambyl aýdany Samsy aýylynda týǵan. 1971 jyly Almaty memlekettik medıtsına ınstıtýtynyń emdeý fakýltetin «Emdeý isi» mamandyǵy boıynsha, 1987 jyly Almaty joǵary partııa mektebin bitirgen.
1971-1977 jyldary Almaty oblystyq týberkýlezge qarsy dıspanseriniń dáriger-ınterni, Jambyl aýdandyq týberkýlez aýrýhanasynda dáriger-ftızıatr, Jambyl aýdandyq emdeý birlestiginiń Degeres bólimshelik aýrýhanasynyń bas dárigeri. 1977-1983 jyldary QazKSR Densaýlyq saqtaý mınıstrliginiń emdeý-profılaktıkalyq jumysy Bas basqarmasynyń dáriger-ınspektory, kollegııa hatshysy, kadr bóliminiń bastyǵy. 1983-1987 jyldary Qazaqstan Kompartııasy OK-niń Ǵylym jáne oqý oryndary bóliminiń nusqaýshysy. 1987-1992 jyldary Almaty oblystyq densaýlyq saqtaý basqarmasynyń bastyǵy. 1992-1994 jyldary QR Densaýlyq saqtaý mınıstriniń birinshi orynbasary. 1994-1996 jyldary QR Qyzyl Krest jáne Qyzyl Aı Qoǵamynyń (2002 jyldan bastap QR Ulttyq Qyzyl Aı qoǵamy) bas dırektory, 1996 jyldan bastap prezıdenti qyzmetin atqarady. «Qazaqstan Respýblıkasy densaýlyq saqtaý isiniń úzdigi», «Qazaqstannyń eńbek sińirgen qyzmetkeri».
2002 jyldyń naýryz aıynan bastap qazirgi qyzmetinde.
60 jyl buryn (1965) Eýrazııalyq ekonomıkalyq odaq sotynyń sýdıasy Erbol Juqatuly ISMAILOV dúnıege keldi.
Qostanaı oblysynda týǵan. 1989 jyly Qaraǵandy memlekettik ýnıversıtetin támamdaǵan.
Eńbek jolyn 1982 jyly Torǵaı oblystyq memlekettik eńbek jınaq kassasy basqarmasynda sıgnalızatsııa boıynsha ınjener bolyp bastaǵan. 1989-1991 jyly Qazaq KSR Memlekettik agrarlyq ónerkásip komıteti Arqalyq et kombınatynda zańger-keńesshi, 1991 jyly Torǵaı oblystyq ádilet basqarmasynyń keńesshisi, 1991-1994 jyldary Arqalyq qalalyq prokýrorynyń aǵa kómekshisi, 1994-1995 jyldary Torǵaı oblystyq prokýratýrasynyń prokýrory, 1995-1997 jyldary Torǵaı oblystyq sotynyń sýdıasy, 1997-1998 jyldary Aqmola oblystyq sotynyń sýdıasy, 1998-2002 jyldary Astana qalalyq sotynyń sýdıasy bolǵan.
2024 jyldyń qańtar aıynan bastap qazirgi qyzmetinde.
51 jyl buryn (1974) Qazaqstan Respýblıkasy Іshki ister mınıstrligi Kóliktegi polıtsııa departamentiniń bastyǵy Aıdos Qaqashauly RYSBAEV dúnıege keldi.
Aqmola oblysy Qorǵaljyn aýdany Qorǵaljyn aýylynda dúnıege kelgen. 1996 jyly Aqmola ýnıversıtetin, 2005 jyly QR ІІM Qaraǵandy zań ınstıtýtyn bitirgen.
Іshki ister organdaryndaǵy qyzmetin 1998 jyldan bastap Aqmola qalasy ІІB Shyǵys polıtsııa bóliminiń kámeletke tolmaǵandar jónindegi bólimshesiniń ınspektory laýazymynan bastaǵan. 1998-2016 jyldary ishki ister organdarynda ártúrli orta jáne aǵa basshylyq quram laýazymdarynda qyzmet atqarǵan. 2016-2019 jyldary Astana qalasy PD Saryarqa aýdany polıtsııa basqarmasynyń bastyǵy, 2019-2022 jyldary Nur-Sultan q. (Astana) PD bastyǵynyń orynbasary, 2022-2023 jyldary QR ІІM Krımınaldyq polıtsııa departamentiniń bastyǵy, 2023-2024 jyldary QR Іshki ister mınıstriniń orynbasary laýazymyn atqardy.
Qazirgi qyzmetin 2024 jyldyń jeltoqsan aıynan bastap atqaryp keledi.
49 jyl buryn (1976) Qazaqstan Respýblıkasy Premer-Mınıstriniń orynbasary — Syrtqy ister mınıstri Murat Ábýǵalıuly NURTІLEÝ dúnıege keldi.
Ál-Farabı atyndaǵy Qazaq memlekettik ulttyq ýnıversıtetin bitirgen. Halyqaralyq qatynastar salasy mamany. Dıplomatııalyq dárejesi — birinshi synypty keńesshi.
Syrtqy ister mınıstrliginiń memlekettik hattama basqarmasynyń referenti, attashesi, Qazaqstan Respýblıkasynyń Malaızııadaǵy Elshiliginiń attashesi, QR Syrtqy ister mınıstrligi Azııa jáne Afrıka departamentiniń ekinshi hatshysy, QR Syrtqy ister mınıstriniń keńesshisi, Syrtqy ister mınıstri hatshylyǵynyń basshysy QR Parlamenti Senaty apparaty basshysynyń orynbasary bolyp qyzmet istegen. 2007-2011 jyldary Senat apparatynyń basshysy boldy. 2011 jyly QR Syrtqy ister mınıstrliginiń erekshe tapsyrmalar jónindegi elshisi, QR SІM Azııa jáne Afrıka departamentiniń dırektory. 2011-2014 jyldary Jenevadaǵy (Shveıtsarııa Konfederatsııasy) QR Turaqty ókildiginde keńesshi ýákil, 2014-2016 jyldary QR Prezıdent Ákimshiligi Syrtqy saıasat ortalyǵy meńgerýshisiniń orynbasary, 2017-2019 jyldary Qazaqstan Respýblıkasynyń Fınlıandııa Respýblıkasyndaǵy Tótenshe jáne Ókiletti elshisi, Qazaqstan Respýblıkasynyń Estonııa Respýblıkasyndaǵy Tótenshe jáne ókiletti elshisi mindetin qosa atqarýshy bolyp qyzmet atqardy. 2019-2021 jyldary QR Prezıdentiniń kómekshisi, 2021-2022 jyldary QR Prezıdenti Ákimshiligi Basshysynyń orynbasary, 2022 jyly QR Ulttyq qaýipsizdik komıteti Tóraǵasynyń Birinshi orynbasary qyzmetinde boldy.
2023 jyldyń sáýir aıynan bastap qazirgi qyzmetinde.
37 jyl buryn (1988) Abaı aýdandyq kásipkerlik jáne ındýstrıaldy-ınnovatsııalyq damý basqarmasynyń basshysy Rústem Nuráliuly VOROShILOV dúnıege keldi.
Almaty qalasynda týǵan. 2009 jyly Ál-Farabı atyndaǵy Qazaq ulttyq ýnıversıtetin saıasattaný mamandyǵy boıynsha, 2019 jyly Almaty ýnıversıtetin marketıng mamandyǵy boıynsha bitirgen.
Eńbek joly: 2010 jyly «Almaty halyqaralyq áýejaıy» AQ Avıatsııalyq janar-jaǵarmaı qyzmeti boıynsha ekspedıtor, 2011-2012 jyldary «Alternatıva» zamanaýı zertteýler ortalyǵynyń sarapshysy, 2013-2016 jyldary Almaty qalasy Kásipkerlik jáne ındýstrıaldy-ınnovatsııalyq damý basqarmasynyń ındýstrııalyq-ınnovatsııalyq damý bóliminiń bas mamany, 2016-2018 jyldary Almaty qalasy Kásipkerlik jáne ındýstrıaldy-ınnovatsııalyq damý basqarmasynyń ónerkásip kásiporyndarynyń qyzmetin monıtorıngileý bóliminiń basshysy, 2018-2019 jyldary Almaty qalasy Kásipkerlik jáne ınvestıtsııalar basqarmasy basshysynyń orynbasary, 2020-2021 jyldary «Vertıkal Stroı» JShS dırektory, 2021-2022 jyldary «Sı-treıd» JShS dırektory boldy.
2022 jyldyń qazan aıynan bastap qazirgi qyzmetinde.