11 myńnan astam qazaqstandyq depressııalyq aýyldardan perspektıvaly aýdandarǵa kóshirildi - EHÁQM

ASTANA. 3 jeltoqsan. QazAqparat - Qazaqstanda «Jumyspen qamtý jol kartasy - 2020» baǵdarlamasyn júzege asyrý aıasynda 11 myńnan astam adam depressııalyq eldi mekenderden ekonomıkalyq áleýeti áldeqaıda joǵary aýdandarǵa kóshirildi, dep habarlady Eńbek jáne halyqty áleýmettik qorǵaý vıtse-mınıstri Qaırat Ábsattarov Primeminister.kz saıtyna bergen suhbatynda.

«Depressııalyq aýyldardan 11,3 myń adam kóshirildi, olardyń 5,1 myńnan astamy - eńbekke qabiletti jastaǵylar», - dedi Q. Ábsattarov.

Onyń aıtýynsha, jańa turatyn jerlerinde 4 myńnan astam adam eńbekpen qamtylǵan. Ol atap ótkendeı, «aýmaqtardy damytýdyń baǵdarlamalaryn» júzege asyrý boıynsha ótkiziletin is-sharalar respýblıkadaǵy eńbek naryǵyndaǵy jaǵdaıǵa oń áserin tıgizdi.

Budan ózge, vedomstvo basshysynyń orynbasary bıylǵy jyly QR-da jumyssyzdyq deńgeıi 5,2% qurady, al jumyspen qamtylǵan halyq sany 8,6 mln. adamǵa deıin ósti.

Baǵdarlamany júzege asyrýdyń úshinshi baǵytyna qatysýdyń basymdyqty quqyǵyna aýyl jastary ıe bolady. Ekonomıkalyq áleýeti tómen eldi mekenderdi anyqtaý úshin krıterııler aýyl sharýashylyǵy, ekonomıkalyq damý jáne saýda máseleleri boıynsha ortalyq ókiletti organdary jasady.

Baǵdarlama boıynsha kóshý júzege asyrylady: bir aýdannyń ishinen bir aýdanǵa; bir oblys ishinde bir aýdannan bir aýdanǵa. Eńbek naryǵyndaǵy naqty sharttardy esepke ala otyryp, kezekshilik ádis boıynsha jumysty uıymdastyrý múmkin. Baǵdarlamanyń atalǵan baǵytyn qatysýshylary ekonomıkalyq áleýeti tómen eldi mekenderde turatyn ózin-ózi qamtylǵandar, jumyssyzdar nemese jumysqa qabiletti az qamtylǵan halyq bola alady.

«Jumyspen qamtýdyń jol kartasy - 2020» baǵdarlamasy 2013 jyldyń 19 maýsymynan Úkimet qaýlysymen bekitilgen. Baǵdarlama úsh baǵyttan turady: ınfraqurylymdy jáne TKSh damtytý arqyly jumyspen qamtý; aýyl kásipkerligin damytý arqyly jumyspen qamtýdy qamtamasyz etý; oqytý jáne kóshirý arqyly jumyspen qamtýdy qamtamasyz etý.