11 myńnan astam bala ІІM-de esepte tur
TANA. 13 qazan. QazAqparat /Qanat Mámetqazyuly/ - Búgin QR Parlamenti Májilisinde «Nur Otan» HDP Parlament Májilisindegi fraktsııasy janyndaǵy Áleýmettik keńestiń uıymdastyrýymen dóńgelek ústel jıyny bolyp ótti.
Basqosýda berekesiz otbasy, qaraýsyz jáne panasyz qalǵan balalar máselesi talqyǵa tústi.
Keltirilgen málimetterge qaraǵanda, qazirgi tańda respýblıkamyzda 18 jasqa deıingi 5 mln.-ǵa tarta bala bar. Onyń 17 myńnan astamy bereketi ketken otbasylarda tárbıelense, 11 myńnan astamy ishki ister organdarynda esepte tur. Budan bólek, elimizde jyl saıyn 10 myńǵa tarta ata-ana qaraýynsyz jáne panasyz qalǵan balalar anyqtalyp jatady.
«Búgingi kúni kámelettik jasqa tolmaǵandardy ýaqytsha oqshaýlaý jáne beıimdeý ortalyqtary ІІM júıesinen jergilikti atqarýshy organdardyń bilim berý júıesine berildi. Bul nysandar kámeletke tolmaǵan balalardy beıimdeý ortalyqtary bolyp qaıta quryldy. 2011 jyldyń basynan beri osyndaı ortalyqtarda 939 bala tárbıede bolsa, olardyń ishinde 784-i panasyz qalǵandar, 125 ata-ana qaraýynsyz qalǵandar, 30-y arnaıy bilim berý mekemelerine joldanatyndar bolyp shyqty»,- deıdi jıyndy ashyp sóz sóılegen Áleýmettik keńes tóraıymy Aıtkúl Samaqova.
Onyń aıtýynsha, jyl saıyn elimizde myńǵa tarta ata-ana balalaryn tárbıeleý jónindegi mindetterin oryndamaǵandyqtan ata-analyq quqyǵynan aıyrylyp jatady. «Bul rette otbasylyq bereketsizdiktiń túp tórkini kóbinese otbasy qundylyqtarynyń bolmaýynda, ata-ananyń ishimdikke jıi salynýynan týyndap jatyr», - dedi depýtat.
Jıyn barysynda Іshki ister mınıstrliginiń, Bilim jáne ǵylym mınıstrlikteriniń ókilderi arnaıy baıandama jasap, qorytyndysynda memlekettik organdarǵa baǵyttalǵan usynystar qabyldandy.
