11 myńǵa jýyq adam astanalyqtar qatarynan shyǵarylýy múmkin
NUR-SULTAN. QazAqparat – Nur-Sultan qalasynyń Áleýmettik medıtsınalyq saqtandyrý qoryna 23 mlrd teńge jınaldy, dep habarlaıdy QazAqparat «Habar 24» telearnasyna silteme jasap.
Mindetti saqtandyrýdy engizý máseleleri elordada ótken óńirlik shtab otyrysynda talqylandy. Bas qala bul kórsetkish boıynsha Almatydan keıin ekinshi orynda tur. Dese de, bul máselede áli de sheshimin tappaǵan suraqtar jeterlik. Atap aıtqanda, aqparattyq-túsindirý jumystary aqsap tur. Qala turǵyndarynyń deni bul júıeden habarsyz. Endi osy máseleni jáne ózin-ózi eńbekpen qamtyǵan azamattardyń qorǵa jarna tóleýin jyl sońyna deıin retteý qajet.
«Búginde qolda bar
statıstıka kóńil kónshitpeıdi. Qazirgi ýaqytta 45 462 azamattyń
áleýmettik mártebesi anyqtalmaǵan. Biz ár aýlany aralap, halyq arasynda
saýalnama júrgizdik. Sol kezde 10 768 adam ózderiniń jeke málimetterin berýden
bas tartty. Endi Eńbek jáne halyqty áleýmettik qorǵaý mınıstrligi bul kisilerdi
astanalyqtar qatarynan alyp tastaýy múmkin», - dedi Nur-Sultan qalasy Jumyspen qamtý jáne áleýmettik
qorǵaý basqarmasy basshysynyń orynbasary Baqtııar Ǵarıfýllın.
