11 myń adam reseılikterdi úıinde turǵyzyp jatqanyn habarlaǵan

ASTANA. QazAqparat – QR Іshki ister mınıstrligine 11 myń qazaqstandyq reseılikti panalatqany týraly habarlama túsirgen, dep habarlaıdy QazAqparat tilshisi.

Bul jaıynda ІІM Kóshi-qon qyzmetiniń komıteti tóraǵasynyń mindetin atqarýshy Aslan Atalyqov ortalyq kommýnıkatsııalar qyzmetinde ótken brıfıngide málim etti.

«Búginge deıin mundaı málimetpen 11 myń habarlama tústi. Osy múmkindikti paıdalanyp taǵy da osy zańnamany saqtaýlaryńyzdy suraımyn. Bul – naqty bizdiń azamattarǵa qatysty talap. Sheteldikterdiń kelgeni týraly habarlamany olar 3 kúnniń ishinde habarlaýy kerek. Áıtpese, bul úshin Ákimshilik quqyq buzý týraly kodekstiń 518-baby boıynsha jaýapkershilik kózdelgen», - dedi komıtet basshysy.