1,1 mln turǵyny bar 426 eldimekende sý qubyrlaryn salý men rekonstrýktsııalaý qolǵa alyndy

ASTANA. KAZINFORM – Sý resýrstary jáne ırrıgatsııa mınıstrligi 1,1 mln turǵyny bar 426 eldimekende toptyq sý qubyrlaryn salý jáne rekonstrýktsııalaý jobasyn bastady. Bul týraly vedomstvonyń baspasóz qyzmeti málim etti. 

Sý resýrstary jáne ırrıgatsııa mınıstrligi bıyl sý qubyrlaryn salý jáne rekonstrýktsııalaý boıynsha 28 jobany iske asyra bastady. Bul jumystardyń nátıjesinde, 1,1 mln turǵyny bar 426 eldimekende aýyz sýmen qamtamasyz etý sapasy jaqsarady. 

Jańadan salynatyn jáne rekonstrýktsııadan ótetin toptyq sý qubyrlarynyń jalpy uzyndyǵy 2000 shaqyrymnan asady. Qurylys jumystaryn aldaǵy eki jylda aıaqtaý josparlanyp otyr.

«Qurylys jumystary elimizdiń 9 óńirinde júrip jatyr. Atap aıtqanda, Soltústik Qazaqstanda – 10 toptyq sý qubyry, Qyzylorda oblysynda – 6, Aqmola oblysynda – 4, Almaty jáne Ulytaý oblystarynda – 2 jobadan, Atyraý, Mańǵystaý, Túrkistan, Batys Qazaqstan oblystarynyń árqaısynda 1 toptyq sý qubyrlaryn salý jáne rekonstrýktsııalaý jobasy júzege asyrylýda», - dedi Sý resýrstary jáne ırrıgatsııa vıtse-mınıstri Erbolat Ibraıhanov.